Kókómjólkurórar mínir

Póstkort heim

2006-11-24T08:59:00.000Z

Það sem ég lærði af viku ferðalagi um Austur-Evrópu:

1. Það er ekki hægt að treysta á Hostelbookers.com
2. Það er ekki gaman að sofa alklædd, tvö í einbreiðu rúmi í 1 fermetra klefa
3. Köngulónum fannst heldur ekki gaman að deila klefanum með okkur
4. Ef bóka á bíl, þá skal gera það með minnst tveggja vikna fyrirvara
5. Af öllum mætti skal forðast að aka bílnum inni í Búdapest
6. Kort eru yndislegir hlutir, sendir frá Guði og skulu ávallt vera höfð við höndina
7. Ef að ferðalangar eru tveir saman af sitthvoru kyninu skal kvenkyns ferðalangurinn ÁVALLT lesa kortið.
8. Ungverjaland er flatasta land í heimi, fyrir utan kannski Danmörku.
9. Matsölustaðir í Bratislava eru fáir og loka klukkan 7.
10. Strætóstjórar í Bratislava drekka ótæpilega í vinnunni.
11. Ef þú ert ekki með reiðufé á þér má gera ráð fyrir kortakerfið sé bilað á einu bensínstöðinni í 100 kílómetra radíus
12. Það er ekkert opið í Vín á sunnudögum
13. Vegakerfið í Póllandi eru the very definition á ringulreið
14. Þegar skila á bílnum skal gera það um hánótt til að forðast að bílaleigan geti hankað mann á
risastóru beyglunni og hálfs metra löngu rispunni á bílstjórahliðinni.

Fyrir utan nokkur smáatriði var þetta alveg æðisleg ferð. Hápunkturinn var að gista við Balaton vatn í Ungverjalandi sem er lítil paradís sem ég hafði aldrei heyrt um fyrr. Þar var lítill og sætur B&B sem var með herbergi á 50% afslætti vegna ekki-túristatímans sem er í október.
Seinasta daginn okkar keyrðum við til Póllands og skoðuðum Auschwitz-Birkenau. Það var skrýtin reynsla svo lítið sé sagt. Kannski var það bara mengunin í héraðinu en mér fannst eins og allt það ógeðslega sem fór fram þarna liggi ennþá í loftinu. Ekki þægilegt. Ömurlegur staður en mér finnst samt nauðsynlegt að hafa farið þarna. Ef að allir fræðast um það sem þarna fór fram þá kannski getur mannkynið komið í veg fyrir að þetta gerist nokkurn tímann aftur. Það mætti senda marga leiðtoga í skoðunarferð um þetta svæði.

En allavega...
Það gat skeð að eina haustið sem að ég væri ekki á landinu myndi snjóa almennilega. Það er eins gott að það verði eitthvað eftir þegar ég kem heim! Mig langar að byggja snjókarl! Það var búið að lofa mér miklum snjó hér í Prag en hann hefur látið á sér standa.
Eiginlega er veðrið búið að vera algjör draumur. Ennþá þvílíkt hlýtt og næstum aldrei rigining.

Okkur tókst loksins að stúta Opal flöskunni sem við komum með út. Hún var drukkin á stórskemmtilegu djammi með Elínu og bandarískri vinkonu hennar en þær komu í heimsókn um seinustu helgi. Við enduðum á karókí bar og þar var einmitt Guðgeir í karókí tekinn upp á myndband. Sem var mjöööög gaman að horfa á daginn eftir.

Einhvern veginn verð ég að taka til í fataskápnum mínum. Ég var náttúrulega ekki fyrr komin hingað út en ég fattaði að öll fötin sem ég tók með mér út voru annað hvort a) svört, b) með biluðum rennilás eða c) algjörlega ósamstæð. Ég var eitthvað að reyna að kaupa föt í "klassískum" stíl en þegar trúarbragðakennarinn þinn lítur á bolinn þinn og hrópar upp "Heida, Heida! I just got a 70's flashback!!" þá veistu að þú ert að gera eitthvað fundamentally rangt.

Kommentin ykkar bjarga mér algjörlega þar sem að ég er annars frekar sambandslaus við Íslandið. Þannig að kvitta hjá mér plís :-)
Later...

Frá bloggletingjanum mikla

2006-10-13T08:33:00.000Z

Hmm....mætti hérna á bókasafnið með tölvuna klukkan 9 á föstudegi, þegar ég gæti annars sofið út, vegna þess að ég þurfti að gera eitthvað mjög mjög mikilvægt á netinu. En ég bara man ekki fyrir mitt litla líf hvað það var sem ég þurfti að gera þannig að ég blogga bara í staðinn.

Hér er lífið komið í nokkurn veginn fastar skorður, með skóla og heimalærdómi og tilheyrandi.
Ég veit ekki alveg hvað er besti áfanginn minn hérna og segi því bara eins og litli strákurinn: Bæði betra. Í öllum áföngum eru munnlegar kynningar. Því tengt er hér formúla fyrir stærðfræðiunnendur:

Ef að þrálát ofsafengin femni er jafnt og X og munnlegar kynningar fyrir framan fullt af fólki jafnt og Y þá er:

5Y + (Ragnheiður=X^6) = sundurskotnar taugar

Veit ekki hvort að þetta meikar einhvern sens, stærðfræðin er langt í frá mín sterkasta hlið en miklar líkur eru á að bráðni niður í lítinn poll á gólfinu þegar ég þarf að flytja kynningu ein og óstudd sem er í tvö skipti af þessum 5.

Tékkneska sjónvarpið er allt döbbað þannig að vikan fer í að hlakka til Stanley Kubrick myndanna sem eru sýndar á stöð 2 öll fimmtudagskvöld. Það er það eina sem er sýnt á ensku. Það og snilldarþættirnir Black Books. Einhverjar tilraunir hafa verið gerðar til að byrja að spila badminton en það er víst svo mikil eftirspurn hjá lókal gymminu hérna, að erfitt er að panta tíma.

Svo erum við að fá tvær heimsóknir. Tveir vinir hans Guðgeirs koma á morgun og verða yfir helgina og á mánudaginn kemur mamma og verður í 3 daga. Hlakka svo til að sjá hana að mér finnst ég vera að springa. Verst að ég get ekkert eytt tíma með henni (hef lúmskan grun um að þetta hafi verið planað hjá henni) vegna þess að á mánudaginn byrja líka miðsvetrarprófin.

Cue the funeral march.

Neinei, annars er ég ekkert það kvíðin fyrir þeim. Lítur út fyrir að verða bara stuttar spurningar í öllum prófum. Ekkert tveggja-blaðsíðna-svitnandi-ritgerðardæmi. Og ég kann efnið svosem sæmilega. Þetta er allavega engin Hagnýt Stærðfræði með Lobba. :) Þið fyrirgefið mér, Bifrestingar, þó að ég skælbrosi hringinn yfir þeirri óheppni af minni hálfu að missa af mjúkri rödd Lobba útskýra diffrun ásamt 10(!!!!) skyndiprófum. Ef að þarna er ekki komin fullkomin ástæða fyrir landflótta þá veit ég ekki hvað. Ég yrði alla ævina að komast upp úr þessum áfanga.

En eftir miðsvetrarprófin kemur miðsvetrarfrí í heila viku. Held líka að Elín verði í Prag helgina á eftir og verður gaman að hitta hana. En svo erum við líka að pæla í að skreppa í einhverja ferð, annað hvort til Munchen, Vínar eða Búdapest. Erum dáldið óákveðin í þessum efnum.

Bara 7 vikur eftir af þessari dvöl. Og enn erum við hvorki búin að skoða Prag kastala eða dýragarðinn...

10.000 kossar til ykkar allra. Kommentið eða þolið hefndaraðgerðir.

Czech it out!

2006-09-15T11:16:00.000Z

Þá er því hræðilega taski lokið...þ.e.a.s. að vakna, drösla tölvunni í skólann og stinga henni í samband við netið hérna, eingöngu til að blogga fyrir ykkur, elsku fólk.

Ætla að byrja á að segja ykkur aðeins frá honum Outa. Outa er maðurinn sem átti hostelið sem við vorum á fyrstu 5 dagana okkar hérna. Outa.... er skrautlegur vægast sagt... Ef einhver man eftir the 70's Show, gaurnum sem átti ljósmyndaverslunina....Outa er nákvæmlega þannig. Maður að nálgast fimmtugt með sítt grátt hár og skegg, sem talar eins og hann hafi reykt aðeins of mikið um ævina. Hann drakk grænt heilsute, allan liðlangan daginn og borðaði eitthvað stappað heilsumúsli með einhverjum grunsamlegum ávexti saman við og svo súkkulaðisósu yfir allt. En hann var voða vinalegur við okkur þó hann móðgaðist pínku ef við vöknuðum ekki í morgunmatinn sem gerðist dáldið oft: "Me no stay in kitchen all day for late sleepers!"
En það sem pirraði okkur to no end, ofsalega mikið og það sem varð til þess að við ákváðum að framlengja ekki dvöl okkar þarna þó að það drægist að finna íbúð, var tónlistin. Stanslaust hávær tónlist alla daga frá 8 á morgnana til 9 á kvöldin. Outa hafði mjög breiðan tónlistarsmekk. Maður vaknaði kannski við U2 en ef við vorum ekki flúin niðrí bæ klukkan 11 þá tók við sá rammfalskasti söngvari sem nokkurn tímann hefur verið hleypt inn í upptökuver. Og hann spilaði undir á óstillt píanó. Þannig að við fórum eftir 5 daga. En sáum mikið eftir að hafa ekki brennt Bubba á disk fyrir Outa að skilnaði.

Prag... er æðisleg! Eftir 3 vikur hérna er ég komin á þá skoðun. Hún er gullfalleg og hálfur lítri af Budvar bjór kostar 90 krónur af bar en 40 krónur út úr búð. 2 fullir pokar af mat kosta minna en 1000 kall og innifalið er hvítvín. Æðislegt! Við erum mest lítið búin að skoða af aðal tourist attraction-um hérna en það stendur til um leið og við fáum stúdentakort og þar með góðan afslátt af öllu. Hins vegar er túristamenningin mikil hérna. Aðeins of mikil kannski. Hallærislegi frasinn hérna að ofan er einmitt gott dæmi um hana. Við hlógum mikið af gaurnum sem svitnar við skrifborðið sitt að hugsa upp frasa á boli til að selja ferðamönnum: "Prague Drinking Team: Czech it out!!!!" Pant ekki fá hans starf!
Íbúðin okkar... er æðisleg! Lítil og sæt og fullkomin. Nema ekki með neinu neti. Ekkert Wow því fyrir mig næstu mánuði en það tryggir þó að ég læri meira sem verður að teljast kostur. Íbúðin er semsagt í hverfi sem heitir Nové Mesto eða Nýja Hverfið (samt eldgamalt og friðað, og því bannað að setja net eða kapalsjónvarp í húsin). Það tekur okkur 20 mín. að labba í skólann en 10 mín að fara með metro. Við búum rétt hjá Veneslásartorginu (sem, ef þið þekkið ekki til þarna, er frábær staðsetning).
Skólinn... er æðislegur! Hér eru áfangarnir mínir:
Politics of the European Union: Skemmtilegur, kennarinn er sænskur lítill strákur með brennandi áhuga á ES og öllu sem því viðkemur.
International Relations: Ég veit ekki alveg með hann en námsefnið er mjög skemmtileg. Kennarinn er kona sem að eigin sögn hefur meiri áhuga á öryggismálum en alþjóðasamskiptum en hún ætlar þó að gera sitt besta. Ég vildi bara óska að hún notaðist við glærur því að það er oft erfitt að heyra í henni, hún talar svo lágt.
Elementary Czech: Ekkert alltof áhugavert svosem en alltaf gaman að kynnast nýju tungumáli. Byrjenda tékkneska er lauflétt að mínu mati og kennarinn gerir kennsluna að skemmtilegum leik.
Arab Cultures, Societies and Religions: Bind miklar vonir við þennan áfanga. Tveir fyrstu tímarnir voru mjög skemmtilegir og kennarinn er karakter, vægast sagt. Strax tveir nemendur hættir útaf henni og einn sagði að hún væri óþolandi hrokafull. Ég er ekki alveg búin að mynda mér skoðun en Guðgeir dýrkar hana strax.
Comparative Religions: Mjög skemmtilegur. Skemmtilegt námsefni og æðislegur kennari. ég hef fengið það verkefni að gerast Vedanti Hindúi næstu fjóra mánuði til að sjá hvernig ég stend mig. Ekkert nautakjöt semsagt.... Kennarinn sagðist hafa haft íslenska stelpu í kennslu hjá sér í fyrra sem var mjög góður nemandi og því búist hann við stórum hlutum frá þessum Íslendingi. Jæja, hann hefur 4 mánuði til að komast að öðru.

En semsagt...3 vikur liðnar af þessari dvöl og ég hlakka mikið til afgangsins.
Látið ekki klikka að kommenta hérna að neðan, ég sakna ykkar og hreina vatnsins mjög mjög mikið! Blogga aftur fljótlega.

Lýk þessu bloggi á broti úr laginu sem ég hlusta á þegar ég geng í skólann og lætur mér líða eins og ég geti allt:

This sugarcane
this lemonade,
this hurricane, I'm not afraid
C'mon, c'mon no-one can see me try

this lightning storm
this tidal wave,
this avalanche, I'm not afraid
C'mon, c'mon, no-one can see me cry

This sugarcane
that tasted good
that's who you are, that's what you could
C'mon, c'mon, no-one can see me try

P.S: Íbúðin hefur gestarúm...hint hint stelpur!

Vegna eftirspurnar

2006-06-26T22:15:00.000Z

Jæja....tími til að bæta einhverju við á þennan blessaða blogg kannski??

Ég hef í rauninni ekki frá miklu að segja. Er í skólanum bara og geri ekki neitt þess á milli. Djammlífið er frekar sorglegt þessa dagana og eiginlega dottið niður í ekki neitt. Ég auglýsi hér með eftir djammfélaga. Ég hef bara ekkert dansað síðan á eurovision og það telst frekar veikur árangur.

Ég auglýsi líka eftir starfi. Ég er búin í skólanum 26 júlí og þá vantar mig starf til að vinna. Það má gjarnan vera eitthvað létt sem borgar vel en það er samt ekki skilyrði. Hins vegar fylgir sá galli á annars yndislegri gjöf Njarðar að ég get bara unnið til svona 20 ágúst vegna þess að þá fer ég til Tékklands!

Já, þið heyrðuð rétt. Feimna sveitastelpan ætlar að leggja heiminn að fótum sér og hún ætlar að byrja í Prag.
Þar er hinn frægi skóli: Anglo-americká vysoká škola og hann er svo vitlaus og óheppinn að hafa samþykkt að taka að sér að koma einhverju viti inn í kollinn á mér í fjóra mánuði á næstu önn.
Því auglýsi ég einnig eftir húsnæði og herbergisfélaga í Prag...svona ef þið skylduð vita um eitthvað...

Ég auglýsi einnig eftir hollum matreiðsluuppskriftum en þær mega ekki vera of vondar(því frábið ég mér allar heilhveitipastauppskriftir, takk samt mamma).
Samkvæmt fréttum (ég vil samt ekkert kannast við það) hefur Ragnheiður fitnað nokkuð á seinustu vikum og glætan að ég fari að færa fiðrildið mitt aftur niður í núllið.
Ég læt því líka upp tapað/fundið auglýsingu þar sem ég lýsi eftir íþróttafötunum mínum. Þau samanstóðu af svörtum buxum(hvað annað? þetta er nú ég) og mjög hallærislegum eróbikkskóm(útsala í intersport). Ég á ennþá peysuna.

Ég skal léttast og komast í form þótt það verði mitt síðasta. Mig vantar smá dramatík inn í líf mitt á þessum seinustu og verstu tímum (auk þess sem ég hef það frá a.mk. TVEIMUR manneskjum að ég verði bæði fallegri og skapbetri þegar ég er grönn).

Auk þess auglýsi ég eftir fallegum kjól í brúðkaupið sem ég er að fara í um næstu helgi, ég auglýsi einnig eftir boðskorti í hitt brúðkaupið, sem ég er ekki boðin í, um þarnæstu Helgi (hint hint) og síðast en ekki síst auglýsi ég eftir heimsmeistaratitli fyrir landslið Englands. Það er þó næstum því jafn fjarlægur draumur og fullkominn og grannur líkami.

Þá er auglýsingahléinu lokið í dag. Næst á dagskrá: Æsispennandi heimildarmynd um ævi rykmaura.

2006-06-24T18:12:00.000Z

testing

2006-04-09T18:28:00.000Z

Páskafrí er staðreynd.
Vorpróf og Misserisverkefni eru búin(eða því sem næst) og hægt er að taka smá "my time" í eina viku.
Hér er to do list:

-Fara oft í sund.
-Fara oft út að labba með hundinn (og ekki bara út á Miklatún og til baka).
-Heimsækja mikið af vanræktum ættingjum.
-Heimsækja mikið af vanræktum vinum (og ekki bara til að fara á fyllerí).
-Vinna við að leiðrétta skýrsluna okkar.
-Læra undir upplýsingatækniprófið mitt.
-Fara til næringarfræðings.

Mér líður samt ekkert eins og ég geti gert neitt af þessum hlutum í augnablikinu. Ég er bara með tölvuna fyrir framan imbann að blogga og horfa á myndbönd með skrækum röddum fyrrverandi Idol stjarna og gerviefnahljómsveita. Hef ekki orku í að skipta um stöð og langar eiginlega ekkert til þess heldur. Meðalmennskan er kærkomin lausn eftir að hafa horft á Silfur Egils í allan dag. Ég hélt í alvörunni að þátturinn myndi aldrei enda. Samt vildi ég ekki horfa á neitt annað vegna þess að ég var hrædd um að kannski myndist fást botn í vandamál þjóðfélagsins eða eitthvað svoleiðis. En nei. Meirihlutinn af deginum fór í að horfa á uppstillingar á skjánum yfir athafnamestu verðbréfabraskarana. All around fun. Eða ekki.

Ekki það að ég gæti gert neitt annað. Er pínku eftir mig eftir gærkvöldið. Það var bara þrælskemmtilegt djamm sem byrjaði heima hjá Brynju og tók ekki endi þrátt fyrir ítrekaðar tilraunir. Ég held ég hafi sagt " Ég ætla heim" að minnsta kosti þrisvar en alltaf varð bið á því að ég færi. Var semsagt mjög gaman og þó að lítið hafi verið dansað þá var bara þeim mun meira talað þrátt fyrir dálitla málhelti hjá undirritaðri. Verð samt að segja að Óliver er ekki skemmtilegur staður. Ég veit ekki hvað er hypið með þann stað!
Allavega gaman samt að djamma með Brynju aftur. Og spila scrabble við Bebe :-)

En ég nenni ekki að hafa þetta lengra í dag.
...later

Ritstífla

2006-03-31T23:28:00.000Z

Ritstífla er leiðinlegur hlutur og hún hefur þann pirrandi eiginleika að koma ávallt þegar síst skyldi. Klukkan er núna 23:27 á föstudagskvöldi. Ég er ein inni í missóherbergi hjá okkur að reyna að púsla saman rannsóknarskýrslunni okkar. Það er ekki nægjanlega gott flæði á henni og sumar nauðsynlegar upplýsingar vantar algjörlega inní.
Ég væri helst til í að taka alla skýrsluna eins og hún leggur sig og breyta henni algjörlega, uppbyggingu, efnisyfirliti og öðru en ég býst ekki við að hópmeðlimir mínir myndu bregðast vel við slíku kasti frá mér. Ég var víst með svo mikinn uppsteyt í hópnum mínum fyrir jól að það er eins gott að haga sér vel núna.
Annars eru sumir orðnir eitthvað agalega pirraðir. Ég veit ekki, kannski er ég svona lélegur hópmeðlimur en mér finnst alltaf eins og fólk vilji helst skeyta skapi sínu á mér þegar eitthvað bregður út af. Kannski ósanngjarnt að segja þetta en mér finnst alltaf virkilega leiðinlegt þegar fólk fer í fýlu út í mig og mér finnst eins og ég hafi ekki gert nógu mikið til að verðskulda það.
Allavega var pirringurinn í gær farinn að minna óþarflega mikið á sprenginguna fyrir jól og varð til þess að mig langaði helst til að skæla. Spurning um að ég fari þá bara að taka hintinu og reyna að leggja meira af mörkum.
Sem er ástæðan fyrir því að ég er hér seint um kvöld. Með ritstíflu. Verkefnið er ekki eftir mínu höfði og það fer þvílíkt í taugarnar á mér og orsakar það að ég á bágt með að breyta nokkru. Ég er hrædd við að það orsaki enn meiri pirring þegar aðrir mæta í eftirmiðdag á morgun.
Jæja, ég geri mitt besta, get svosum ekki gert meira en það.

Ef ég á að tala um eitthvað skemmtilegra þá vann ég Gettu Bifröst um daginn. Loksins.
Fékk fínan bikar og vín í verðlaun og allt. Ef ég á samt að vera sanngjörn þá vorum við tvö saman í liði. Telma átti afmæli sama kvöld svo að við stelpurnar héldum bara fínt partí fyrir hana sem byrjaði heima hjá okkur og endaði inni í skólabyggingunni klukkan hálf sex um morguninn. Þá vorum við sex eftir að spila og syngja og drekka ópal. Alltaf skemmtileg þessi þriðjudagsdjömm. Ætla að stela myndum frá Telmu við næsta tækifæri og setja inn á síðuna mína.
Ég átti að vera fundarstjóri í gær á fundi sem Kvennahreyfing Samfylkingarinnar ætlaði að halda hér á Bifröst. Ég var geðveikt stressuð og reyndi að undirbúa mig vel en á seinustu stundu kom skipun frá Kötu Júlíusdóttur þingmanni um að þær vildu einhvern reyndari í starfið. Ojæja. Hefði verið gaman. Fyndið samt hvað aðrir urðu miklu móðgaðri fyrir mína hönd en ég sjálf.
Það er alltaf verið að reyna að kalla saman stjórnina í þessu blessaða Samfylkingarfélagi hérna en það telst kraftaverk ef að fleiri en 2 stjórnarmeðlimir eru lausir sama kvöld.
En jæja, best að halda áfram með þetta ágæta verkefni. Hlakka til páskafrísins. Ef einhvern langar að bjóða mér til útlanda svona rétt á meðan fríið er þá væri það vel þegið :P Svona ef þið skylduð hafa verið að pæla :-)
....later

2006-03-23T10:15:00.000Z

Skýin eru dökk og nógu breið til að teygja sig sveitanna á milli svo ekki sjá í bláan himin. Þau liggja lágt og það sést ekki í Fjallið í dag. Ég svaf lengi í morgun en það er ekki nóg, ég ligg samt alklædd undir sænginni og finnst ég vera að kafna. Dríf mig út en næ samt ekki andanum. Ég horfi á fjöllin og hraunið og þau virka svo þungbúin. Þau þrengja að mér og leggjast ofan á mig og allt í einu verð ég örmagna. Langar mest aftur upp í rúm, breiða sængina yfir hausinn og sofa þangað til mér hættir að líða svona. Geng samt niður eftir þjóðvegi 1, og beygi svo til vinstri, Labba niður að Norðurá. Áin er í vondu skapi í dag. Úfin og stygg frussast hún niður fossinn. Þessi sjón sem áður hefur fyllt mig orku, dregur hana nú úr mér jafn þétt og áin rennur burt frá mér. Öll örvæntingin sem hefur safnast upp í mér seinustu daga flæðir nú upp úr og ég fæ risastóran kökk í hálsinn. Mig langar til að hlaupa frá mér allt vit eða að öskra mig hása en ég er bæld og óttast að einhver sjái til mín. Geng aftur upp í skólaþorpið. Það byrjar að rigna. Húsin eru að gráta, alveg eins og ég.

Bærinn:
Mér leiðist. Mér leiðist svo óstjórnlega mikið í Reykjavík. Ég hef allt og ekkert að gera í senn. Ég ætti að vera að gera fullt en ég nenni því ekki og ligg því í staðinn upp í sófa að horfa með öðru auganu á sjónvarpið.Ég er samt full af einhverri óhaminni orku í dag en ég bara næ ekki að virkja hana. Mig langar þvílíkt í sund en fíflið ég gleymdi sundfötunum mínum heima á Bifröst. Ég er svöng en ég nenni ekkert að gera í því. Ég bara ligg upp í sófa og er löt og vorkenni sjálfri mér.Ég sef ekki vel í bænum. Það er undarlegt að rúmið mitt í sveitinni eru tvö einbreið rúm úr Ikea, skeytt saman til að mynda tvíbreitt rúm, þannig að iðulega myndast hola í miðjunni, þar sem ég sef eins og ungabarn. Rúmið mitt í bænum er queen size amerísk springdýna en ég bylti mér þar stanslaust og næ ekki að festa svefn.Ég er því bara með bauga niður á höku, í endalausri fýlu, að gera ekki neitt.

Aftur í sveitina:
Skýin eru farin! Það er yndislega heiðskýrt. Ég stend fyrir utan skólabygginguna og nýt þess að draga andann eins djúpt og ég get. Það er svo gott bragð af loftinu hérna. Sólin keppist við að skína skært framan í mig og ég fæ ekki nóg af að horfa í kringum mig. Allt er svo fallegt. Áin rennur tært niður eftir dalnum og þegar ég lít á fjöllin brosa þau til mín og mér finnst eins og þau dragi andann léttar líka. Þau voru þá eftir allt saman bara alveg jafn niðurdregin og ég.

Átak í gangi

2006-03-07T08:44:00.000Z

Já, ég stal hugmyndinni hennar Ásu um fiðrildið sem telur niður kílóin. Hélt fyrst að þetta ticker factory væri alltof tæknilegt fyrir mig en auðvitað gat ég svo leyst úr þessu þegar til kom. Maður reddar sér sko......eða spyr Berglindi :P
En ég ætla semsagt að joina stöllum mínum í að missa nokkur kíló. Óskandi væri að 11. kílóa markinu væri náð, en ég reikna nú ekkert frekar með því. Bara gaman ef að eitthvað fer. Ég er semsagt að fara að lifa af jógúrt enda enda er slíkt mataræði í takt við fjárhaginn, sem er styrktur af LÍN þessa dagana.

Helgin var nú frekar sorgleg bara. Var veik heima á föstudaginn og var bara að læra á laugardaginn. Fór og hitti Bifrestinga og stelpurnar á vín. Var komin heim um tvö-leitið. En það var nú samt allt í góðu. Alltaf gaman að hitta stelpurnar.

Annars snýst lífið þessa dagana um að kvíða fyrir prófunum og reyna að finna eitthvað sniðugt misserisverkefni. Og ákveða hvort maður eigi að skella sér í skiptinám en það er eitthvað sem okkur stendur til boða á næstkomandi haustönn. Eftir að hafa kynnt mér málið er ég komin niður á 4 lönd: Malta, Grikkland, Kanada og Arkansas í BNA. Það væri gaman að fara til allra þessara staða en ég er ekki frá því að ég sæki bara um að komast til Möltu. Langskemmtilegasta námið er þar.

Annars villtist ég inn á síðuna hennar Silvíu Nótt um daginn (les: fór sérstaklega inn á hana til að ná í lagið). Þar var einmitt hægt að horfa á þættina hennar og ég ákvað nú bara að kíkja á einn, svona af því að ég hafði aldrei séð þá fyrr. Og það verður nú bara að segjast eins og er að ég grenjaði af hlátri. Fannst sérstaklega gaman að því þegar hún tók nokkra þingmenn í viðtal, þ.á.m unga stressgæjann, Ágúst Ólaf. Hún er þarna eitthvað að blaðra og Ágúst er eitthvað að reyna að halda andlitinu. Þá spyr hún: "Heyrru, vinnur ekki Gummi hérna? Ég þekki hann sko." Og Ágúst belgdist allur upp við að heyra spurningu sem hægt var að svara og hann hélt það nú. Í þingmannaliði Samfylkingarinnar væri meðal annars öðlingurinn Guðmundur Árni, þvílíkur ágætis náungi. Þá gellur við í Silvíu: "Já, kúl, ég hef nefnilega farið í sleik við hann, skilurru!" Fyndið að sjá Ágúst stama sig út úr þessu! :D

En þetta verður ekki lengra að sinni. Er kominn tími til að fá sér að borða. Á að borða salat í kvöld. Jess. Gaman gaman.
...later

2006-02-28T08:55:00.000Z

Jæja, þá er Bifró liðið hjá. Það var meira en gaman og ég sé alls ekki eftir því að hafa farið. Ég semsagt mætti á Hótel Sögu klukkan 4 um daginn, í algjöru spennufalli eftir að hafa fundið árshátíðarbúning, klukkutíma áður. Kom í ljós að herbergið okkar var æðislegt og sturtan hreinn draumur. Leið svo bara tíminn fram að mat við að gera sig til og komast til botns um hvernig sjónvarpið virkaði. Ég var í algjörri sæluvímu við að klæða mig því ég var svo ánægð með toppinn sem ég fann í Zöru. Hann er semsagt hvítur, hlýralaus og með risastórri slaufu á bakinu. Hann lítur betur út en lýsingin gefur til kynna. Ég lofa.
En allavega. Þegar við gengum inn í Súlnasal, var tekið á móti okkur með rósum og vindlum, þ.e.a.s stelpur fengu vindla og strákar rósir. En ég reyki nú ekki, þannig að ég var fljót að skipta mínum vindli út. Við fengum líka mjög góðan fordrykk til að sötra á meðan leitað var að sætum. Karen og Bryndís höfðu verið svo fyrirhyggjusamar að taka frá borð og því sátum við í HHS eiginlega öll við tvö borð.
Maturinn var æðislegur. Ég er nú engin sérstakur aðdáandi humarsúpu(eins og sumir muna kannski :P) en þessi var nú samt mjög góð. Svo fengum við nautalundir í aðalrétt og súkkulaðistiga í eftirrétt.
Svo voru skemmtiatriði með matnum og er þá best að minnast á einn kennara sem hélt Minni Nemenda og söng eftirminnilega: "Ég ætla að felll'ykkur í vor!!!!!"
Svo var söngvakeppnin en fæst orð hafa minnsta ábyrgð í þeim efnum. Segi þó að ég og Karen hefðum rúllað þessu upp hefðum við tekið lagið! Heyrirðu það Karen?? Þú kemst ekki undan á næsta ári! Sviðskrekkur, minn rass!

Ballið hófst á miðnætti og þá voru menn orðnir vel kenndir flestir. Hljómsveitin var fín og endalaust gaman að dansa við hana enda vildi ég ekki hætta fyrr en seinasta lagið var búið. Þá var haldið í gítarpartí en eftir að daman í móttökunni var búin að koma í þriðja skiptið og kvarta undan hávaða fékk ég nettan móral yfir öðrum gestum hótelsins. Fór ég því bara í rúmið enda komið vel framundir morgun.
En til að draga saman allt þá var þetta hið mesta ævintýri og alveg æðislega gaman. Fer pottþétt aftur á næsta ári.

Vá, það er nú liðinn ansi langur tími síðan ég skrifaði póst sem var svona saga-af-djammi póstur en ekki mjög-grunnhyggnar-pælingar póstur. Ég veit svo sem ekki hvað ykkur finnst skemmtilegra að lesa um en mér finnst allavega skemmtilegra að skrifa pælingar. En finnst þó samt nauðsynlegt að setja inn fréttir stöku sinnum. Ef að það að ég hafi djammað seinasta laugardag telst fréttnæmt. En það telst það sjálfsagt á þessum seinust og verstu tímum þegar maður djammar eiginlega ekki neitt. Alllavega ekki í bænum. Ég vil djamma í bænum. Ég sakna overpriced drykkja og engrar loftræstingar og troðinna dansgólfa og sígarettureykskýja. Ég sakna Hressó, dammit!!!
Og ég sakna Kaffi Vín og að sitja þar með kókglas og hitta alltaf fullt af fólki sem maður þekkir...hmm.... Mest af öllu sakna ég fólksins sem ég hitti aldrei lengur.

"Sometimes you wanna go where everybody knows your name and they're always glad you came..."

Nosatalgía...anyone?

En úúúú....hér er þó frétt: Level 50 er staðreynd. Halelujah, praise the lord. Hell yeah.

Gáfulegar pælingar?

2006-02-23T15:56:00.000Z

Ónefndur einststaklingur af óæðra kyninu sagði við mig um daginn að ástæðan fyrir því að honum líkaði svona vel við mig væri að það væri hægt að tala við mig um allt en ekki bara föt og snyrtivörur eins og sumar aðrar stelpur. Þrátt fyrir að ég móðgaðist örlítið og sagði honum að hann væri nú pottþétt að alhæfa og að allar stelpur væru vel samræðuhæfar á flestum sviðum, verð ég að viðurkenna að inni í mér var ég mjög upp með mér. Það er nefnilega lítil stelpa falin inn í mér sem hoppar upp og niður af kæti þegar fólki líkar vel við mig. Markmið þessarar stelpu er að fá allan heiminn til að elska sig og þegar einhver lætur í ljósi ánægju með mig hrópar hún af kæti: Jeeeiii!!!! Bara 5milljarðar999milljónir999þúsund910 manns í viðbót!
En smá útúrdúr.
Fyrst að ég er svona skemmtilega viðræðuhæf um allt milli himins og jarðar verð ég að fá að tjá mig um eitt sem er að mínu mati mjög mikilvægt mál:

Ég hata maskarann minn.
Nei í alvöru, ég hata hann. Hann er alltof blautur og klessulegur og vöndurinn er svo skrýtinn í laginu að einhvern veginn enda ég á að klína honum meira á augabrýrnar á mér frekar en augnhárin.
Og ég á ekki pening fyrir nýjum maskara.
Annað sem ég á ekki pening fyrir:

Föt.
Já föt á árshátíðina mína. Leyfið mér að væla aðeins yfir því.
Ég væri alveg til í að vera í svörtum buxum og kaupa mér bara einhvern fínan topp. En nei. Eitthvað segir mér að það sé ætlast til að ég sé fínni en það. Þemað er víst "rauði dregillinn". En *væææææææææææl* ég bara kann ekki að ganga í svo fínum fötum!!!! Svo eru þau líka of dýr og passa ekki á mig!

Ahemm já. Takk fyrir þetta.
Ég er ekki neitt sérstaklega stolt af því að viðurkenna að þessar hugsanir héldu fyrir mér vöku seinastliðnar tvær nætur. Ég er með svo miklar áhyggjur yfir að finna ekki neitt til að vera í, á einu kvöldi af ævi minni, að ég er að missa svefn. Ótrúlegt, hvernig höfuðið á manni virkar stundum. Ég var farin að pæla í að mæta ekkert á þessa helv....andsk...hátíð og vera heima í staðinn á náttfötunum mínum og éta nammi.

Annars átti ég afmæli um daginn. Held reyndar að það hafi ekki farið framhjá neinum, ég var svo dugleg að auglýsa :P Takk æðislega fyrir allar kveðjurnar og sms-in og kommentin frá ykkur öllum, þið eruð yndisleg! :D
Svo komu stelpurnar til mín á laugardagskvöld. Að vísu voru tvenn forföll en það má nú alltaf búast við því. En við sem eftir sátum höfðum það bara reglulega fínt: drukkum, horfðum á eurovision, spiluðum, spjölluðum og sungum þakið af húsinu. Fórum svo á Dubliners og dönsuðum við live musik :-) Fannst ég samt fyrst reglulega gömul, þegar ég fattaði að ég var að dansa við hliðina á enskukennaranum mínum úr grunnskóla. Hmm...

Annars er ég búin að bæta við nokkrum öddum. Komin með heimasíðuna hjá Júlla stóra frænda og Aldísi stóru frænku og búin að setja inn Questionable Content, PostSecret og CuteOverload.
Svo þarf ég að læra hagfræði og vinna verkefni í þeim stórskemmtilega áfanga: Stjórnkerfi og Stjórnskipun Íslands.
...later.

Áríðandi Tilkynning

2006-02-15T00:00:00.000Z

Hér með tilkynnist, hverjum þeim sem áhuga hefur, að Eintakið Ragnheiður Júlía Ragnarsdóttir, útgáfa 2.1 verður í dag uppfært upp í útgáfu 2.2.
Seinastliðið ár hefur farið í að reyna að laga ýmsa bögga sem hafa gert vart við sig.
Tekist hefur að laga þá flesta, t.d. er vírusinn Skólaleiði.XOXOX.rar horfinn en hann hefur reynst mönnum óþægur ljár í þúfu í mörg ár.
Þrátt fyrir ómældar vinnustundir hefur þó ekki tekist að fjarlægja eftirfarandi bögga:
Aukakíló
Svörtubuxnaárátta
Morgunfúllyndi
Þrálát.Feimni
og vírusinn:
Fjármála.Óábyrgi.232323.exe, sem kom eins og skrattinn úr sauðaleggnum seinastliðið haust og við höfum ekki grænan, hvernig komst í Eintakið eða hvernig við eigum að losna við.

Við fullvissum ykkur um að áfram verður reynt eftir fremsta megni að fjarlægja þessa galla en á meðan vonum við að enginn verði fyrir óþægindum af þeim.

Það gefur okkur ómælda ánægju að tilkynna ykkur að einnig höfum við uppfært ýmis forrit og lagað önnur:
Forritið Framhaldskólanemi 4.0 var fjarlægt og í staðinn kom Háskólanemi 1.0.
Þroskastig 2.1 var uppfært upp í 2.2 en það forrit er þó í reynslu og er enn óséð um hvort það hafi einhver áhrif á Eintakið. Þið munið kannski eftir fíaskóinu með Þroskastig 2.0 sem hafði vakið miklar vonir en reyndist svo vera gagnslaust. Við viljum forðast að endurtaka það.
Ýmsar útlitslegar breytingar hafa átt sér stað og núna inniheldur(eða útheldur, hvernig sem þið viljið líta á það) Eintakið bæði síðara hár og stærri brjóst.
Tölvukunnátta var uppfærð á smávægilegan hátt og sér Eintakið núna sjálfvirkt um þráðlausa netið í Sálufélaganum(fartölvunni). Við viljum sérstaklega óska tæknideildinni til hamingju með þetta mikla afrek, það var erfitt og tók engan smá tíma.
Og að lokum:
Righteous Fury ætti að virka rétt núna.

Við reyndum að setja inn forritið Heimspekiþekking101 en við það hrundi vinnsluminnið í Eintakinu og við þurftum að fjarlægja forritið aftur.

Einnig hefur gert vart við sig forritið MMORPG.WoW.addict en við eigum eftir að ákveða gagnsemi þess ef einhver er.

Við höfum fengið beiðnir um að fjarlægja bögginn Súkkulaðifíkn6 og forritið Þrjóska1.9 en eftir að hafa rætt málið á stjórnarfundi kom í ljós að ekki var vilji til þess af okkar hálfu. Sorrí.

Við vonum innilega að Eintakið virki nú á sem bestan hátt og verði ykkur til gagns(fat chance) og ánægju.
Sjáumst að ári.
Urður, Verðandi og Skuld

Batnandi manneskju?

2006-02-02T11:36:00.000Z

Ég varð fyrir undarlegri hugljómun í dag.
Sit semsagt í tíma í Hugmyndasögu og myndast við að reyna að fylgjast með þankagangi Freud.
Ég vildi óska að hugljómunin hefði verið um námsefnið þar sem ég á að taka krossapróf í þeim fræðum á eftir en svo var þó ekki.
Hugljómunin fólst í mér sjálfri. Mamma var nefnilega að koma frá útlöndum og hefur orðrómur borist hér upp á Bifröst að hún beri með sér forláta kápu handa undirritaðri. Mamma hefur undanfarið ekki verið sátt við fatastíl undirritaðrar og hefur reynt ýmislegt til að bæta hann við misjafnar undirtektir þó. Undirrituð hefur oft fussað og sveiað við hinum ýmsu tískuklæðum sem reynt hefur verið að færa henni en þrátt fyrir þessi barnalegu viðbrögð hefur mömmu aldrei fallist hugrekki í baráttunni fyrir betri stíl afkvæmisins.
Og hún keypti semsagt kápu út í Danmörku.
Ég er ekki hrædd við að mér líki ekki kápan. Eiginlega er ég nokkuð viss um að mér eigi eftir að ég eigi eftir að líka hún. Hins vegar(og þetta er hugljómunin) er ég hrædd um að mamma muni ekki trúa að mér líki kápan. Ég er nefnilega svo svartsýn og kaldhæðin að eðlisfari að ég er hrædd um að ég eigi bágt með að sýna sannfærandi gleðiviðbrögð. Alltaf þegar ég gleðst yfir einhverju eða að mér er boðið upp á eitthvað, finnst mér ég alltaf sýna svo gervileg viðbrögð(þó að í rauninni séu þau sönn) að það er hin mesta furða að til sé fólk sem ennþá vilji mér vel.
Þetta veldur mér alltaf dálitlum áhyggjum og hefur stundum valdið því að gleði mín yfir einhverju hefur oft á tíðum virkað ýkt og til þess fallin að hæðast að fólki. Að sjálfsögðu er það ekki meiningin.
Þá er spurningin hvernig skal bæta sig.
Ég gæti náttúrulega hætt að vera svartsýn og kaldhæðin. En málið er að eðlisfar mitt er eitthvað sem ég hef byggt upp lengi og er hluti af varnarkerfi mínu til að forða mér frá vonbrigðum og sárindum. Ég er ekki alveg tilbúin að fórna því og skilja sjálfa mig eftir á nokkurra varna.
Ég er dáldið rugluð í höfðinu. T'is a conundrum.

EM í handbolta veldur því að ég er með hálsbólgu eftir að hafa æpt of mikið á sjónvarpið. Það voru feit vonbrigði að tapa í gær en þó er ekki öll nótt úti enn og enn smá von til að við komumst í undanúrslit. Ég mun allavega horfa spennt á leikinn í dag.
En þrátt fyrir æsispennandi leik í gær þá var samt besta setning leiklýsandans: ,,Og þarna er markvörður Króata kominn í skúringar." Og svo mynd af markverðinum að skúra fyrir framan markið :D

Ég er ekki sátt við hversu lítið af fólki ég hef hitt í bænum undanfarið. Það er alltaf svo mikið að gerast og ég missi af öllu hérna út í sveit. Fólk er að fara til útlanda og að flytja og læti bara.
Ég vil nú endilega hitta ykkur bráðum. Það er bara alltaf svo mikið að gera, það eru t.d. tvö stór próf á mánudag og þriðjudag :-( Fun times....
En hvernig væri samt að hafa hitting bráðum austó-gellz? Við höfum líka einn ákveðinn atburð til að skipuleggja ;-)

en á meðan...
...later

Er þetta minn eða þinn sjóhattur?

2006-01-26T11:35:00.000Z

Upp er runnin sögulegur dagur. Það heyrist loksins hærra í fartölvunni minni heldur en kennaranum. Það er í alvörunni ótrúlegt að það skuli heyrast svona mikið í viftunni á þessu ..ahemm...litla.... skrípi. Spurning um að fara með hana í viðgerð en ég er, eins og alþjóð veit, háð tölvunni minni og get ómögulega misst hana í viku, hvað þá tvær.
Þetta er samt feitt vandræðalegt að sitja á fyrirlestri með heilan flugvélahreyfil fyrir framan sig. Við og við er eins og hreyfillinn ætli að springa og er þá ekki óalgengt að fólk snúi sér við til að stara skringilega á mig eins og ég geti eitthvað gert í þessu. Já, kannski get ég eitthvað gert í þessu. En við skulum láta það liggja milli hluta.

Svo er komið að árlegu mataræðisátaki mínu. Það hefst venjulega um þetta leyti árs og byrjar á því að ég kaupi mér jógúrt til að hafa í morgunmat. Sem ég borða svo ekki. Ég kaupi líka yfirleitt ávexti sem einnig munu liggja ósnertir og svona gengur þetta í tvær vikur þangað til ég gefst upp. Yfirleitt eftir viku eða svo.
Samt steig ég stórt skref í morgun þegar ég raunverulega opnaði jógúrtina og borðaði tvær skeiðar. Ég fékk mér einnig brauðsneið með osti og spægipylsu. Og glas af kakómalti. Því að allir vita að stórar breytingar gerast í smáum skrefum. Segir íhaldsstefnan. Andskotinn.
Sósíalistar eins og ég tel mig vera gera róttækar breytingar. Það segir prófessorinn minn.
Þess vegna mun ég fá mér ávöxt á eftir og salat í kvöldmat. Og borða hina jógúrtina ALLA á morgun.

Ef ég ætti Fetaost. Eða salat, svona þegar ég fer að hugsa út í það.
hmm....ég á nóg til að gera rjómasósupasta. Fokk.
Þetta mun verða erfitt.

Eftirfarandi er skrifað daginn eftir.
Ég semsagt borðaði ekki ávöxt og salat. Ég borðaði súkkulaðiköku og rjómasósupasta.
Ég byrja í megrun á mánudag. Eða þannig.

Í öðrum fréttum þá eru allir á Bifröst, it seems, komnir í missóhóp nema ég. Það getur mögulega verið að ég hafi verið erfið til samstarfs seinast :P Kannski bara. Ég kannast ekkert við þetta mál. I don't know you people ;-)

Sápuóperan sem er heimili mitt:
Ég semsagt fór að sofa í gær. Eldsnemma. Það teljast tíðindi vegna þess að það var fimmtudagur og ég var ekki að djamma. Ég átti nefnilega að mæta í mikilvægt(ekki) krossapróf í morgun.
Hins vegar tók ég ekki með í reikninginn að einn sambýlingur minn myndi halda brjálað partý klukkan 3 um nóttina. Ég semsagt vaknaði á þeim ókristilega tíma við brjáluð öskur og læti. Ég klæði mig og fer fram og þá eru 30 manns í húsinu en því miður var enginn af þeim sem átti actually heima á staðnum. Ég hefst því handa við að reka alla út og endar það þannig að ég stíg í 15 mismunandi bjórpolla og það var drepið í sígarettu á peysunni minni. Á endanum fékk ég hjálp yndis að nafni Raggi sem gekk í það að henda liðinu burt. Eftir voru þó u.þ.b. 10 manns inn í herbergi hjá Adda og héldu þeir vöku fyrir mér til klukkan 6. Því vaknaði ég 10 mín. of seint í prófið og þurfti einnig að þreyja æsispennandi leit að skóm sem á endanum fundust í fanginu á nefndum steindauðum Adda. Sem fær að þrífa alla íbúðina. Og gott betur.

Fylgist með næsta þætti af hinni æsispennandi sápuóperu: Hver á þennan banana í hillunni minni? Stay tuned.
...Later

I can't help my feelings, I go out of my mind...

2006-01-19T11:39:00.000Z

Bifröst er grafinn í snjó og það þarf að moka sig út á hverjum morgni.
Þrátt fyrir mikið álag í skólanum undanfarið hefur þó aðeins ein hugsun komist að hjá mér:
Ætli grýlukerti séu enþá jafn góð á bragðið og þau voru þegar ég var 8 ára?

Þetta segir sitt um þankagang minn undanfarið.

Fréttir vikunnar:
Það sprungu allar perur í herberginu mínu og ég sat í myrkri í nokkra daga þangað til vaskur karlmaður kom og skipti um perur. Ég var búin að hringja í hann þrisvar og barma mér yfir þessum flóknu flúrperum eitthvað sem ég kynni ekkert að skipta um og hann yrði bara að koma og bjarga mér áður en ég myndi missa vitið í myrkrinu. Greyið gaurinn hunskaðist heim til mín til að líta á ljósið. Hann skrúfaði léttilega lokin af ljósunum en það var einmitt staðurinn sem ég hafði strandað á. Komu þá ekki í ljós þessar þvílíkt einföldu osram hefðbundnu perur. Þessi tegund sem er í eiginlega öllum ljósum. Gaurinn leit á mig og glotti breitt. Ég horfði niður í gólfið. Hann fór að skellihlægja. Ég varð lúpulegri. ,,Á ég að skipta um perurnar fyrir þig?" spyr gæjinn í gegnum hlátursgusurnar. Ég ákvað að þetta gæti ekki orðið verra og svara lágri röddu: ,,Já takk....." Hann kláraði að skipta um á baðherberginu og fór svo í loftljósið fyrir ofan rúmið. ,,Er þessi pera líka sprungin?" ,,Já" svara ég. ,,Það allavega kviknar ekki á henni." Gæjinn gengur að ljósrofanum, ýtir inn takkanum......og það varð ljós. ,,Ertu alveg viss...?" spyr hann ansi kindarlega Ragnheiði sem langar mest til að sökkva niður úr gólfinu. ,,Nei....kannski ekki....."

Aðrar fréttir: Ég kann núna að elda pasta karbonara. Er hins vegar ekki viss um hvernig á að skrifa karbonara...carbonara....vottever. Það sem ég kann ekki er að mæla hversu mikið spaghettí tvær manneskjur geta innbyrt í einni máltíð.

Meira sem ég kann ekki: Tölfræði reiknuð í Excel. Sat í tíma áðan og starði á töfluna og reyndi að fatta hvernig kennarinn var að gera þetta. Lobbi karlinn þaut í gegnum 10 dæmi á methraða og talaði um líkur og normaldreifingu eins og ekkert í heiminum væri einfaldara. Ég flissaði bara. Skildi ekki neitt. Langaði til að hlægja svona þvílíkt hátt og vitfirringslega eins og leikkona í yfirdrifinni dramatískri mynd um fólk á geðveikrahæli.

Ég þarf svefn.

P.S Vinsamlegast kommenta á blogginn minn. Það er svo leiðinlegt þegar fólk kvittar ekki fyrir sig. Lætur mér finnast eins og ég sé þvílíkt óvinsæl :(

P.P.S Af hverju er ég með kaffibragð í munninum? Ég drekk ekkert kaffi!

2006-01-12T09:16:00.000Z

Ég get ekki orða bundist um ákveðinn nýliðinn atburð í samfélaginu. Það er fyrir löngu kominn tími á að fólk fari að forðast þennan sorasnepil sem DV er orðið að. Það er ekki hægt að einn fjölmiðill komist upp með það að taka fólk af lífi án dóms og laga og án þess að sekt sé sönnuð. Og allt í þeim tilgangi að selja þetta ömurlega blað. Þessi sorglegi atburður sem átti sér stað í fyrradag sýnir eingöngu að ekki eigi að líða slíka hegðun þessara svína stundinni lengur!!! Ég skora á alla sem þetta lesa að fara á www.deiglan.com og skrifa undir áskorun til ritstjórnar DV um að láta af þessari hræðilegu ritstjórnarstefnu.

Í öðrum og léttvægari fréttum þá er skólinn byrjaður aftur og strax allt komið á fullt þar á bæ. Ég er í 6 fögum þessa önn og öll hafa mikið potential til að gera mig brjálaða strax á fyrstu vikunum. Ég veðja þó sérstaklega á Upplýsingatækni og Tölfræði. Sá sem fann upp Excel er Satan í mínum augum. Hvernig stendur á því að ein skipun gerir eitt einn daginn en svo eitthvað allt annað daginn eftir?? Svo eru leiðbeiningarnar óskiljanlegar, ég gæti alveg eins verið að lesa latínu.
Nokkrar breytingar hafa orðið á herbergisfélögum mínum. Telmu langaði að búa með kærastanum sínum og er þau nú flutt í fína íbúð við Hamragarða með almennilegri sturtu. Til hamingju með það, Telma og Eyþór! :-) Í staðinn fyrir hana er komin stúlka að nafni Bryndís en hún bjó áður í næsta húsi. En hvað get ég sagt? Við á nr 3 erum bara svo klikkað skemmtilegar að náttúrulega langaði hana meira að búa með okkur. Svo hefur Ylfa einnig hrökklast að heiman. Já, við erum svo ömurlega leiðinlegar við hana að hún þoldi ekki við(getið þið heyrt kaldhæðnina, gott fólk?). Í staðinn fyrir hana er kominn ungur drengur en hann hef ég þó ekki séð ennþá, ég held að hann sé hræddur við allt þetta stelpnager. Hann allavega flýr þegar hann sér mig :P
Mest lítið hefur verið gert af djammi undanfarið, hef bara verið að nördast og hafa það kósí :)
Er komin upp á lvl 41! Komin með Felsteed og allt barasta. Hmm..kannski kominn tími á gott djamm? Jæja það er allavega austókvöld næsta laugardag og þá verður nú pottþétt drukkið eitthvað ef ég þekki stelpurnar rétt ;-)
Að lokum þá er hér örlítill listi sem ég stal af henni Karen. Hann er bara svo drepfyndinn en þó um leið svo hagnýtur að ég varð bara að birta hann hér ;-)

Vertu betri elskuhugi – hér eru nokkur ráð frá konum....
Algeng mistök sem karlar gera:
1. Kyssa konuna ekki nóg
Góður og langur koss er stór hluti af forleiknum. Ef þú ert að flýta þér það mikið að þú gleymir að sinna kossahlutanum er líklegt að þú náir ekki að æsa hana nóg upp.
2. Blása inn í eyrað á konunni
Það er greinilega einhver gróusaga í gangi um að konur elski að láta blása í eyrað á sér. Þetta er lygi. Tunga sem sleikir eyrnasnepilinn blíðlega er aftur á móti allt annað mál!
3. Eru órakaðir
Við getum alveg viðurkennt að órakaðir menn geta verið sexý á götum úti. En prófaðu að nudda sandpappír á innanverð lærin eða á hökuna. Húðin mun sennilega flagna og ekki sérlega þægilegt.
4. Klemma brjóstin á konunni
Við skulum fá það á hreint að konubrjóst eru ekki bolludeig sem á að hnoða, eða melóna sem þarf að þrýsta á til að athuga hvort hún sé orðin nógu þroskuð til að borða. Karlmenn! Farið gætilega með brjóstin á okkur og einbeitið ykkur frekar að geirvörtunum.
5. Bíta í geirvörturnar
Þegar menn sleikja eða sjúga geirvörturnar er það yfirleitt yndislegt. En þegar varnarlausar geirvörturnar verða að naghring er það ekki svo yndislegt lengur.
6. Snúa uppá geirvörturnar
Í guðanna bænum hættið að snúa uppá geirvörturnar á okkur eins og þið séuð að stilla útvarpið í bílnum. Geirvörturnar okkar eru ekki takkar.
7. Gleyma ákveðnum líkamshlutum
Það finnast fleiri líkamshlutar á konum en brjóst og undirstell. T.d. axlir, háls, hryggur og rass.
8. Hjálpa konunni ekki úr fötunum
Ekki bara liggja við hliðina á konunni með hendina niðri í nærbuxunum hennar. Ef að þú virkilega vilt tæla hana, hjálpaðu henni þá úr fötunum.
9. Eiga ekki smokka
Maðurinn kemur með okkur heim. Og klæðir sig í smokk. Svoleiðis er það bara...
10. Ráðast á snípinn
Gjörið svo vel að umgangast snípinn með virðingu. Ekki þrýsta, snúa eða sjúga hann. Reynið frekar að nudda gætilega í kringum snípinn.
11. Taka pásur
Ef að þið takið pásu þýðir það stopp fyrir konur. Þá þurfa mennirnir að byrja frá byrjun. Ef að konan er byrjuð að hitna, haltu þá áfram. Þú getur líka farið þér hægt á meðan þú fullnægir henni. Það gefur bónus á endanum.
12. Klæða konuna úr fötunum í vitlausri röð
Engin kona vill líta asnalega út. Og maður lítur líka asnalega út þegar neðri líkamshlutinn er nakinn en maður er ennþá klæddur í sokka og peysu/bol.
13. Ráðast á sköpin
Neðri kroppur konunnar er meira en eitt gat. Taktu þér tíma áður en þú ræðst á það.
14. Nudda of harkalega
Nudd getur alltaf skapað góða stemmingu. En skildu nuddaðferðina frá nuddaranum þínum eftir heima. Ef að þú gengur of harkalega til verks getur það dregið úr stemmningunni.
15. Vilja fá konuna of fljótt úr fötunum
Ekki rífa hana úr fötunum. Það getur vel verið að Michael Douglas hafi sloppið vel frá því í erótískum spennumyndum sem að hann hefur leikið í. Taktu því rólega. Hún hefur jú lagt sig fram um að líta vel út fyrir þig. Hrósaðu henni fyrir fallegu undirfötin.
16. Fara fyrst úr buxunum
Röðin ætti að vera: bolur, sokkar, og svo buxurnar. Aldrei öfugt! Það er ekkert eins ósexý og karlmaður sem stendur á hvítu tennissokkunum með "vininn" hangandi niður fyrir bolinn. Þetta atriði er ekki hægt að leggja nógu mikla áherslu á!
17. Flýtir sér of mikið
Gefðu henni tíma, ekki flýta þér eins og þú eigir lífið að leysa. Hún mun gefa þér merki um þegar hún vill að þú setjir allt á fullt.
18. Eru of harðhentir í rúminu
Það fær henni til að líða eins og hún sé nýkomin úr tveggja vikna reiðtúr, án hnakks!
19. Koma of fljótt
Þetta er mjög algengt. Margir karlmenn koma of fljótt, og þess vegna er gott að hafa B plan um hvernig þú getur fullnægt henni.
20. Koma of seint
Þetta er nýtt! Þú ert enginn sexgúrú, bara af því að þú getur haldið út í tvo tíma án þess að "koma". Allt er þreytandi til lengdar.
21. Spyrja hana hvort að hún hafi "komið"
Annað hvort tekur þú eftir því hvort að hún hafi fengið fullnægingu, annars "kom" hún sennilega ekki. Ekki spyrja svona heimskulega.
22. Allt of gætileg munnmök
Þú ert ekki lítill kettlingur sem að lepur mjólkina í þig. Notaðu tunguna! Rúllaðu, víbraðu og gerðu bylgjur með tungunni á snípnum á henni.
23. Þrýsta höfði konunnar niður við munnmök
Nei, konum líkar alls ekki að láta þrýsta höfðinu á sér niður að getnaðarlim mannsins. Já, þetta er gert í klámmyndunum og nei þetta "fílum" við alls ekki í raunveruleikanum.
24. "Koma" í munn konunnar
Sæði er á bragðið eins og saltvatn, blandað með eggjahvítu. Það eru ekki allar konur sem að líkar þetta bragð. Segðu til svo að hún nái að forða sér áður en þú "færð það" upp í hana.
25. Hreyfa sig órólega
Þegar hún "tottar" hann á þér, liggðu kyrr. Hún mun sjá um allar nauðsynlegar hreyfingar.
26. Líkja eftir klámmynd
Klámmyndir eru skemmtun en ekki námskeið í kynlífi. Konur eru í raunveruleikanum ekki eins og þær sem að leika í þessum myndum. Þú þarft ekki að glenna lappirnar á henni svakalega út. Það þarf nefnilega ekki að vera pláss fyrir heilt tökulið í klofinu á henni.
27. Láta konuna vinna alla vinnuna
Að láta hana sitja ofan á er mjög gott. En ekki í marga klukkutíma. Skiptist á að gera gott við hvort annað, og breytið um stellingar.
28. Spyrja konuna EKKI á undan hvort að hún vilji stunda endaþarmsmök
Ein af þessum slæmu! Ef að þig langar til að stunda endaþarmsmök spurðu hana þá fyrst. Það getur vel verið að hún segi já. Þú mátt ekki bara gera ráð fyrir að hún vilji það. Og að segja að þú hafir óvart villst í vitlaust gat, er bara út í hött að segja!
29. Taka einkamyndir
Þegar þú spyrð: má ég taka nektarmyndir af þér? Heyrir hún þig segja: sem ég get sýnt vinum mínum eða setja þær á internetið. Láttu hana fá myndirnar og svo getið þið kíkt á þær saman.
30. Eru of hugmyndasnauðir
Þessar sömu tvær stellingar geta orðið leiðinlegar. Reyndu eitthvað nýtt!
31. Eru oft tæknilegir
Kama Sutra, tantrasex o.s.frv. Ef að hún vill stunda jóga hefði hún sennilega farið á námskeið.
32. Gefa konunni sogblett
Ertu 12 ára gamall? Allir sem svara þessari spurningu neitandi hætta að gefa sogbletti á stundinni!
33. Tala "dirty" í rúminu
Sumum líkar að láta tala "dirty" við sig í rúminu, öðrum líkar það ekki. Spurðu hana hvort að hún "fíli" það.
34. Gefa skipanir
Það er hægt að gera á margan hátt. Hún er hvorki hundur né hermaður...
35. Halda að allt sé yfirstaðið þegar hann er búinn að "koma"
Sýningunni er ekki lokið fyrr er allir eru fullnægðir. Það er ekkert verra en menn, sem halda að samræðinu sé lokið, bara af því að þeir eru fullnægðir.
36. Þrýsta öllu lofti út úr henni
Mundu að það eru miklar líkur á því að þú sért mun þyngri en hún. Ef þú liggur lengi ofan á henni getur andlitsliturinn hennar orðið bláleitur.
37. Þakka fyrir sig eftir kynlíf
Hún stundar kynlíf af því að henni langar til þess ekki til að þjónusta þig!

Vona að þetta upplýsi einhverja fávísa
...Later

Á nýju ári

2006-01-04T08:09:00.000Z

Já, þá er maður komin aftur upp á Bifröstina, eftir það sem virðist hafa verið alltof stutt jólafrí.
Ánægjulegt er að geta þess að ég náði öllum prófunum mínum og hafið þið sjálfsagt flestöll heyrt mig monta mig af einkuninni fyrir misserisverkefni ;-)
Skólinn semsagt kláraðist 16. desember og tók þá við jólastress. Reyndar er ég alltaf jafn afslöppuð þegar kemur að jólunum enda finnst mér varla taka því að fá heilablóðfall yfir innkaupum eða þrifnaði. Mér finnst mjög gaman að versla gjafir og enn meira gaman að pakka þeim inn og því finnst mér lítið varið í að eyða þeim skemmtilegu stundum í einhverju skapvonskukasti. En ég var samt náttúrulega á seinustu stundu með allt saman og var seinustu jólagjöfinni pakkað inn klukkan hálf ellefu á Þorláksmessukvöld. Að venju.
Þegar jólin sjálf komu svo, liðu þau alltof fljótt við endalaust góðan mat og afslöppun. Fékk fullt af fínum gjöfum en nenni þó ekki að telja þær allar hér upp, kem bara á framfæri kæru þakklæti til allra sem að hlut eiga.
Svo leið gamla árið í aldanna skaut eins og ára er siður og nýja árinu var heilsað með kampavíni og "skítadjammi" eins og einhver tók til orða :P En ég skemmti mér allavega vel en hefði þó viljað stoppa lengur hjá Berglindi og spjalla meira, þar sem ég sé ykkur öll svo sjaldan. Ég semsagt byrjaði heima hjá Svana og fór svo til Berglindar en var rekin þaðan alltof snemma niður í bæ á Viktor og Hressó. Fylgdarlið mitt talaði um óvenjuleiðinleg áramót, ég veit ekki hvort það var af því að ég var með í för en mér fannst allavega mjög skemmtilegt :P
Að lokum koma hér nýjársheitin mín:
1. Ég ætla alltaf að lesa fyrir tíma í skólanum.
2. Ég ætla að hætta að stressa mig á öllum hlutum og læra að taka lífinu með ró.
3. Ég ætla að borða hollar.
4. Ég ætla að skipuleggja mig betur í matarinnkaupum í stað þess að fara út í búð með engan innkaupalista. Dæmi: Einu sinni fór ég út í búð til að kaupa í kvöldmat og kom heim með eftirfarandi: Rjómaost, lifrarkæfu, pítusósu, aspas og mjólk. Að sjálfsögðu tókst mér ekki að elda neitt úr þessu.
5. Ég ætla að taka minna af myndum. Endalaust vesen að koma þessu á netið.
6. Ég ætla að reyna að halda utan um fjármálin svo ég geti hætt að verða jafn hissa og sjokkeruð og ég verð í hvert skipti þegar ég fæ visa reikninginn minn. Þetta heit er einnig náskylt nr 2.
7. Ég ætla að endurskipuleggja fataskápinn minn og vera skynsamari þegar ég kaupi föt. Veit þó að þetta er eiginlega vonlaust þar sem ég virðist vera geðklofi í fatainnkaupum og kaupi aldrei nein föt sem passa saman. Auk þess sem önnur hver flík sem ég á er svört.
8. Ég ætla að lesa fleiri fullorðinsbækur. Harry Potter er barnabók. Verð að sætta mig við þessa staðreynd.
Svo ætla ég að grenna mig. Að sjálfsögðu.

En þetta er nóg í bili. Gleðilegt ár fólk :)
Later....

2005-12-10T09:38:00.000Z

jamms, mér finnst nú allt svona vera smá svindl, léleg afsökun fyrir hugmyndasnauða bloggara. En samt skemmtilegt, alltaf gaman að heyra eitthvað fallegt um sig :-)
Anyways.......kommentaðu nafnið þitt og....

1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð/matur minnir mig á þig
4. Ég segi þér fyrstu ljósu minninguna mína af þér eða þá eftirminnilegustu
5. Ég segi þér hvaða dýr þú minnir mig á
6. Ég spyr þig að einhverju sem ég hef velt fyrir mér lengi um þig
7. Ef þú lest þetta verðuru að setja þetta á bloggið þitt!

Bara svo ég hafi eitthvað að gera í staðinn fyrir að læra :P

Bið....endalaus bið

2005-12-09T12:47:00.000Z

Vika eftir í jólafrí. Mikið rosalega hlakka ég til. Mig langar mest til að liggja með tærnar upp í loft í 3 vikur en samt læðist að mér smá samviskubit yfir að hafa enga vinnu. Finnst ég vera ömurleg landeyða fyrir að vilja bara spila wow í stað þess að vinna mér inn pening eins og aðrir heilbrigðir námsmenn. Kannski er ekki of seint að finna sér eitthvað að gera?
Undur og stórmerki gerðust í gær. Það var Bifrastarfyllerí sem ég tók EKKI þátt í. Hefur sjaldan gerst áður. Ástæðan er einföld: Misserisverkefni. Ég er bara orðin heilmikið stressuð fyrir málsvörninni í næstu viku. Þetta hlýtur samt að reddast. Eða ég vona það. En ég var allavega góð stelpa og lærði til 3 í nótt. Með bjór í hönd að vísu. Fékk þó eina truflun klukkan eitt þegar ónefndur fullur einstaklingur barði utan hjá mér dyrnar og heimtaði pítsu. Hann fékk hana en sýndi þó svo fádæma ókurteisi með því borða allt kúlusúkkið mitt og deyja svo á rúminu mínu. Þannig að ég lærði til 3 og horfði svo á Futurama restina af nóttinni. Þurfti svo að díla við skelþunnt fólk í morgun :D
Og skilst að mér sé boðið með á tequila djamm í staðinn fyrir pítsuna og kúlusúkkið :P
En það lítur ekki út fyrir að ég komist í bæinn fyrr en 17 des. :_( Og mig sem langaði svo að hitta Mardísi!! *snökt* En ég vona nú að hún verði hérna yfir jólin og geti kannski mögulega djammað laugardaginn 17? Og á áramótunum?
En það þýðir bara ekki að vera alltaf að keyra til Reykjavíkur ef maður vill standa sig vel....
En jæja, lengra verður þetta ekki að sinni, verð að skrifa inngang að 30 bls skýrslunni okkar :S Ætla svo að leggja mig aðeins. Gengur ekki að vaka svona mikið alltaf.
Getur verið að ég bloggi meira um helgina.
...Later

Alo, iubirea mea, sunt eu, fericirea

2005-12-03T13:34:00.000Z

Þá er prófastressi loksins lokið. Ég ætti að vera stressuð yfir einkunnaafhendingum......en ég nenni því ekki. Þetta fer eins og það fer. Að vísu verð ég að segja að mér finnst öll deildin hérna hafa staðið sig eins og hetjur. 5 próf á jafnmörgum dögum og bara tveir dagar í upplestrarfrí. Það finnst mér nokkuð gróft. En þetta hafðist þó án þess að nokkur gengi af göflunum. Sumir voru þó ansi nálægt því á tímabili :P
Eftir seinasta prófið á föstudaginn fyrir viku var svo brunað beint á kaffihúsið og fengið sér bjór. Ágætis upphitun fyrir próflokadjammið þá um kvöldið. Eyþór hennar Telmu var svo innilega góður að koma og elda fyrir okkur stelpurnar og fengum við að smakka kengúrukjöt ásamt fleiru. Svo var haldið á deildakeppnina í Hátíðarsalnum. Þar var farið í ýmsa leiki, s.s. ljóskuspurningakeppni(þar sem einnig skipti máli að geta tónað smámælt), einhvern leik sem gekk út á að binda túrtappa aftan á sig og reyna svo að koma honum ofan í vatnsflösku. Á meðan á þessu öllu gekk var drukkið stanslaust sem væntanlega útskýrir næsta atriði: Hver deild átti að leggja fram brjóstahaldara. Og hver haldiði að hafi fórnað sé fyrir HHS og vippað sér úr brjóstahaldaranum þegar mest lá við? Hmm....látum það bara liggja milli hluta.
En við allaveganna rústuðum keppninni. Svo buðum við stelpurnar í partíkoti í...já, einmitt...partí. Gítarstemming og læti bara. Svo var haldið á kaffihúsið. Þar var rosa gaman þangað til síminn minn hringdi. Ég skrapp út til að tala í hann og svo man ég ekki meir. Tveim klukkutímum síðar vaknaði ég á gólfinu heima í Bollakotinu og Matta þurfti að drösla mér upp í rúm. Ég lá þar voða þæg í svona korter þangað til mig fór að langa aftur út. Þannig að ég fór í partí í húsinu á móti :)
Samt pínku scary að muna ekki eftir tveim tímum. Eiginlega fyrsta skiptið sem ég fæ svona blackout.
En allavega. Seinasta vika og sú næsta fara í missó. Fyrir þá sem ekki eru innvígðir í samfélag Bifrestinga þýðir það misserisverkefni. Ég er semsagt með hóp sem ætlar að taka fyrir sjálfsmorðsárásir Palestínumanna. Við eigum að rannsaka þetta, skrifa heillanga ritgerð um og verja hana svo fyrir framan 5 kennara.
Svo kemur jólafrí 16. des! Ég hlakka svo til....ég hlakka alltaf svo til....en það er langt, ó svo langt að bíða....og allir dagar svo lengi að líða. Ég er þegar komin með jólalög á heilann eins og þið heyrið.
Og það var Sigur Rós í seinustu viku. Það var svo geðveikt æðislegt að sjá þá aftur. Þetta voru pottþétt með betri tónleikum ævi minnar. Stundum hef ég verið spurð að því af hverju ég fíli Sigur Rós jafn mikið og ég geri. Ég skil sjaldnast orð af því sem þeir syngja en ég dýrka tilfinningarnar sem lögin þeirra vekja upp.
Og fyrst ég er orðin væmin hérna á annað borð vil ég nota tækifærið og þakka þeim sem kommenta hérna. Það er alltaf jafn gaman að sjá þegar fólk skrifar eitthvað virkilega fallegt hérna inn. Takk elskurnar mínar, þið eruð æði. Haldið þessu endilega áfram :)
En jæja, missó kallar, verð að fara að gera eitthvað.
...Later

P.S. Ég er búin að setja inn nýjar myndir, e-ð frá seinasta sumri + frá ýmsum Bifrastardjömmum. Er í myndalbúmi 3. Njótið vel :-)

Leiðin til allsherjar glötunar

2005-11-15T23:45:00.000Z

Staður: Kringlan
Stund: föstudagur kl. 17.00
Mission objectives: Kaupa áfengi, kaupa snakkerí fyrir kvöldið, kaupa skikkanleg föt á sjálfa mig.

Mér gengur ekkert að finna stæði. Rúnta um allt á neðri hæðinni, fer svo upp á miðplanið. Finn pínulítið stæði sem ég ætla að drífa mig í. Fatta að ég er á jeppanum hennar mömmu og þar sem ég verð seint talin til meistara í að leggja í stæði þá er sú tilraun sjálfdauð. Finn loksins sæmilegt stæði sem mér tekst að leggja meistaralega í. Rosalega ánægð með mig.
Geng inn í mollið. Ákveð að fatakaup séu fyrst á dagskrá. Ég þarf djammbol og svartar buxur. Fyrst liggur leiðin í Vero Moda. Undanfarið hefur stíllinn þar ekki verið í samræmi við mig en núna sé ég æðislegan bol á gínu í glugganum. Leita að honum. Finn hann ekki. Bíð í 10 mín. eftir því að afgreiðslustúlka gefi sér tíma til að sinna mér. Kemur í ljós að bolurinn er búinn. Fyrsti bömmer verslunarferðarinnar orðinn að veruleika. Geng vonsvikin út. Labba áfram, kíki í alla glugga, sé þó ekkert sem heillar mig. Fer inn í Ex. Innan um gagnsæja boli(no way in hell!!) sé ég æðislega svarta skyrtu. Væri fín í skólann. Minni mig á að skólaföt séu ekki hluti af mission objectives. Geng aftur út. Upp á efri hæð. Horfi inn í Karen Millen. Þori ekki þar inn. Yrði áfall fyrir veskið mitt. Fer þess í stað inn í Inwear. Æðislegur bolur þar. Kostar 7.900 kr. Takk fyrir en nei takk. Finn æðislegt flauelspils. Yrði fínt í skólann. Flý út áður en ég freistast til að kaupa.
Fer inn í next. Sé ekkert þar. Finn fyrir smá höfuðverk. Inn í Oasis. Æðislegur bolur þar. Á viðráðanlegu verði. Sýnir þó endalaust mikið af miðhluta líkamans. Ég er að fara að hitta Berglindi í kvöld. Hún þolir ekki soleiðis sýningar ;-) Einmitt ástæðan fyrir því að ég ætla ekki í hvíta bolinn minn. Geng út og held áfram píslarförinni. Labba framhjá 17. Ferð þar inn er ávísun á mígreniskast(þó ég sé ekki einu sinni með mígreni) og brotið sjálfsálit. Þess í stað er haldið inn í Cosmo. Nóg af svörtum buxum þar. Kosta bara allar circa 10.000 kr. Höfuðverkur magnast. Aftur út. Er orðin pínku örvæntingarfull. Nógu örvæntingarfull til að kíkja í Hagkaup. Finn buxur þar. Fer með í mátun. Þær eru fullkomnar. Ég er það ekki. Er of feit í þær. Hef ekki í mér að prófa stærra númer. Finn æðislegan svartan bol. Stenst freistinguna á að dansa trylltan stríðsdans af gleði. Ríf hann af slánni og ætla að borga. Rek augun í bakið á honum. Bolur er alsettur neonbleikum skrautsteinum. Man samstundis af hverju ég skoða sjaldnast föt í Hagkaup. Flýti mér þaðan út. Langar mest til að grenja núna. Fer þess í stað aftur í Next. Skoða buxur sem ýmist eru of dýrar eða of litlar eða of stórar. Ég er bara svona skrýtin í laginu greinilega að það að sauma buxur í mínu sniði krefst svo mikillar vinnu að það er réttlætanlegt að verðleggja þær 100% meira en allar aðrar buxur. Lýsi mig sigraða. Ákveð að vera í gömlu buxunum mínum og svart/hvíta brjóstabolnum um kvöldið. Fer aftur í Ex. Máta skyrtuna. Hún er fullkomin, kaupi hana. Fer í Inwear, máta pils. Það er aðeins of sítt. Eða ég er of stutt. In any case, þá kemur það ekki vel út. Lýsi fatainnkaupum hér með lokið.
Fer í ríkið. Er komin á einn allsherjar bömmer, þannig að ég kaupi 50% meira af áfengi en venjulega. Svo liggur leiðin í Matarhagkaup. Hugsa um hvað ég eigi að bjóða stelpunum upp á. Alltaf eftir misheppnaðar verslunarferðir ákveð ég að fara í allsherjar megrun. Í ljósi þess ákveð ég að vera geðveikt hip og bjóða upp á babycarrots og niðurskornar paprikur. Kaupi einnig sódavatn. Er á leiðinni að kassanum þegar leiðin liggur framhjá nammideildinni. Ég kemst ekki framhjá. Stend lengi fyrir framan súkkulaðið. Tárast af vanmætti yfir eigin nammifíkn. Í fúlustu alvöru, þá stend ég og grenja yfir m&m rekkanum í Hagkaup í Kringlunni. Kaupi að lokum pakka, dríf mig út. Brenni út úr fína stæðinu mínu og gef duglega í á leiðinni heim. Tek tvær paratabs og leggst upp í sófa. Velti fyrir mér feminisma og hvað konur(og sérstaklega ég sjálf) erum í raun komnar endalaust stutt á veg. Steinsofna. Eftir svona daga eru pólitískt réttar hugsanir ekki málið.

svartur afgan.....drauma minna ég sakna

2005-11-09T13:59:00.000Z

Dagurinn í dag er ágætis dagur. Það er ágætis mál. Ég hef tekið eftir því að eftir því sem ég tjái mig meira hér á þessari ágætu síðu, kemur það alltaf út sem meira og meira rugl. Kannski er ég farin að drekka meiri kókómjólk? Jafnvel.
Ég veit ekki hvað ég á að segja ykkur í fréttum enda voða lítið að gerast í minni litlu og krúttlegu tilveru. Ég er bara að læra og í Wow til skiptis og inn á milli er svo troðið djammi. Meira var þó gert af Wow en hinum tveimur hlutunum seinustu helgi en þó var kíkt aðeins út á lífið eftir miðnætti á laugardagsnóttina. Þá meina ég að hugmyndinni um að djamma laust niður þá. Pínku stuttur fyrirvari en það var þó allt í góðu. Fyrst var skroppið til Jóms en eftir pínku nastí leikþátt milli Jóns og meðleigjandans hans var flúið niður í bæ um 4-leitið og haldið á Kofann og Hressó. Ég dansaði aðeins minna en vonir stóðu til enda er þrennt ekki besta númerið þegar kemur að þess háttar íþróttum. (hmm...er ekki viss hvað þessi seinasta setning þýðir en ég sakna Berglindar allavega). Halldóra hans Svana var svo innilega elskuleg að skutla öllum heim eftirá enda var skítkalt úti og leigubílaröðin versta hugmynd síðan ullarnærbuxur voru í tísku.
Á mánudaginn var síðan hátíðarkvöldverður HHS deildarinnar(deildin mín) hér á Bifröst. Þá skemmtu kennarar og nemendur sér saman, fyrst með fordrykk, svo með mat, svo með leik, þar sem kom skýrt fram að nekt er okkur ofarlega í huga, svo með drykkju og 5 tíma gítarpartýi. Það var einstaklega gaman að sjá að kennararnir standa okkur nemendum alls ekki að baki þegar kemur að bjórdrykkju. Þið vitið flest hvað mér finnst innilega gaman að syngja. Singstar er ágætis dæmi um það. Hins vegar VERÐ ég að fara að venja mig af því að syngja jafn skerandi HÁTT og ég geri um leið og eitthvað áfengi er komið í systemið. Það er næsta mál á dagskrá. Eitthvað var verið að reyna að ljúga því að mér að ég hefði tekið einsöng og kokgleypti ég það náttúrurlega og var alveg í köku þangað til það var leiðrétt.
En allavegana var stórgaman það kvöld :-)
En það eru endalaus verkefni sem bíða mín hér, þannig að ég segi þetta nóg af tjáningu í dag... Hver veit nema að ef ég verði dugleg þá verði ég verðlaunuð með pottaferð í kvöld?
Jú, ætlaði reyndar að varpa fram föstudeginum eftir tvær vikur sem góðu kvöldi fyrir stelpuhitting? What say you gals?

....later

2005-11-09T13:47:00.000Z

Já víst nýtt klukk í gangi, á að troða fleiri upplýsingum um mig upp á ykkur.

núverandi tími: 13:47
núverandi fatnaður: gallaskokkur og svartar buxur
núverandi skap: bara ágætt :-)
núverandi hár: má fara að flikka uppá.
núverandi lykt: æji, eitthvað frá VIctoria's secret. Ég gleymdi að kaupa Armani um helgina.
núverandi ósk: að ná prófunum
núverandi ást: á súkkulaði
núverandi staður: heima á Bfröst.
núverandi lag á heilanum: Hvarerhvarerhvarerhvarer húfan mín, hvar er húfan mín.....sá náungi sem kom þessu inn á heilann á mér veit upp á sig sökina! Your uppance will come!
núverandi dót á veggnum: Bara myndir af dýrum og póstkortum.
núverandi plön fyrir helgina: Hitta Bebe og Brynju, heimsækja ættingja, svo veit ég ekki meir...

Ég hugsa að í bili muni ég hlífa fólki við klukki, en áskil mér þó rétt til að klukka fólk þegar minnst varir......

Sumarið er komið...eða ekki

2005-10-28T08:22:00.000Z

Eftir að hafa keyrt upp á Bifröst og til baka á tólf klukktímum í byrjun þessarar viku fyrir ekki neitt er ég komin á þá skoðun að Rannsóknaraðferðir séu tilgangslausasta fag í heimi.
Og eftir margra ára japl, jaml og fuður er ég auk þess komin á þá skoðun að þjónustufulltrúinn minn hjá Íslandsbanka sé minnst þjónustulundaða manneskja í heimi. Við erum að tala um að ég beið í klukkutíma í símanum og var send á milli þriggja mismunandi útibúa til að redda einfaldri millifærslu. Sem hún nennti ekki að hjálpa mér með. Veit ekki hvað sumt fólk er að gera í störfunum sem það velur sér.
En þetta er allt í lagi því það er að koma helgi! :-) Og ég er að koma heim! :-D
Að vísu er vitlaust veður hérna núna og tvísýnt um hvort það sé ráðlegt að keyra í bæinn. En það hlýtur að reddast. Hér er þó þvílíkur snjóstormur og læti og varla að maður hætti sér milli húsa, hvað þá að reyna að keyra á sumardekkjum.

Æ, elsku Berglind mín, hvað ég er sorrý yfir að hafa ekki náð að hitta þig seinustu helgi :-( Við erum að tala um feitan móral sem ég er búin að vera með alla vikuna. En þegar ég loks komst niður í bæ á laugó var biðröð inn á Hressó sem náði út á næsta horn. Og þar sem það var svo skítkalt þá var ég ekki meika að fara aftast í hana. Við verðum að gera betur næst. Ég skal allavegana lofa að standa mig.
Það var samt ágætt seinustu helgi. Bjórkvöld í flugskýli í Nauthólsvík á föstudeginum og djamm sem endaði inn á Hressó. Undirrituð lenti í pínku veseni þar inni sem verður ekki tíundað hér á þessum síðum en staðfestir þó að eitthvað af fólki er pirrað út í mig. Á laugó var svo haldið í matarboð þar sem var rosalega góður matur á boðstólnum. Þá meina ég matur á jólamatsskala. Enda borðaði ég yfir mig. Og skammast mín ekkert fyrir það :-P Segi bara takk kærlega fyrir mig.
Eitthvað skemmtilegt verður gert þessa helgi ef ég kemst í bæinn. Vonandi sé ég ykkur öll þá! :-)
.....later

Í Dag er Dagurinn.....

2005-10-24T10:32:00.000Z

Vissir þú að....

...atvinnutekjur kvenna eru aðeins 64,15% af atvinnutekjum karla
...konur eru með 72% af launum karla fyrir jafnlangan vinnutíma
...barneignir hafa neikvæð áhrif á laun kvenna en jákvæð áhrif á laun karla
...margar konur búa við öryggisleysi og ógn á heimilum sínum
...ein af hverjum þremur konum verður fyrir kynbundnu ofbeldi á lífsleiðinni
...konur uppskera ekki í samræmi við menntun sína
...konur í fyrirtækjarekstri hafa verri aðgang að fjármagni
...ábyrgð á umönnun barna og heimilisstörfum er enn að mestu á höndum kvenna
...umönnunarstörf eru með lægst launuðu störfum á vinnumarkaði
...rödd kvenna er veik í fjölmiðlum
...litið er á líkama kvenna sem söluvöru
...kona hefur aldrei verið forsætisráðherra, bankastjóri eða biskup
...konur hafa aldrei verið helmingur þingmanna
...konur njóta ekki jafnréttis á við karla
...þessu þarf að breyta
Ég þori, get og vil!
Tekið af auglýsingaspjöldum fyrir Kvennafrídaginn 2005

minn staður, mín stund.......

2005-10-20T08:45:00.000Z

Jæja, þá er spurning um að fara að rugla eitthvað hér á þessum blogg. Ekki það að ég hafi ekki nóg annað við tímann að gera. Kannski mögulega.
Ég vil reyndar tala um slæma stöðu ýmsa bloggara hér í bæ. Það verður nú að segjast eins og er að það eru afskaplega fáir sem skrifa oftar en einu sinni - tvisvar í mánuði og hjá sumum - nefni engin nöfn - hefur ekkert verið updeitað síðan í september. Þetta er að mínu mati synd og skömm því að loksins þegar ég hef fullt af tíma sem ég verð að eyða á netinu, þá allt í einu ákveða allir að þeir séu of bissí til að halda úti dagbók. Kaldhæðni? Gott og vel.....ég bið samt ekki um mikið. Skrifið þið bara eitthvað rugl, einu sinni í viku, svona eins og ég er að gera núna :P
Ég veit ekki hvað ég á að segja ykkur meira. Lífið gengur bara sinn vanagang hér á Bifröst en mikið andsk..... líður samt tíminn hratt! Ég trúi varla að önnin sé hálfnuð og ég sé að fara í próf eftir næstum mánuð. Skrýtið.... Svo eru jólaauglýsingar byrjaðar!!!!!! Það er ég reyndar ekki að meika, finnst pínku fullsnemmt fyrir það, kannski.....hmmm....ég veit ekki......tveimur fokking MÁNUÐUM of snemmt?
Það var mjög gaman hjá mér í gærkveldi, Karen roomie bakaði pizzu og svo fórum við og horfðum á Chelsea rústa Real-Betis í meistaradeildinni 4 - 0. Ég drakk nokkra bjóra með og fór svo í pottinn eftir á. Nokkuð sweet kvöld.
Og ég fann Sigurrósaraðdáendur um seinustu helgi!!! Ótrúlegt! Real magic DOES exist. Ég var svona nokkurn veginn búin að gefast upp á að hitta nokkurn tímann annan aðdáenda heldur en mig eða Höllu Kristínu. En allt í einu hef ég bara bæði tvo félaga á tónleikana OG annar þeirra bauðst líka til að fara í röðina til að kaupa miða! Ótrúleg heppni bara.
Hlakka til að koma heim um helgina, því á laugardaginn verður Bebe loksins búin í prófi og getur djammað með mér. Ég hef saknað hennar, það er gaman að dansa með henni :-)
Svo er líka kvennafrídagurinn á mánudaginn. Ég er þegar búin að halda ræðu um það hér í þessum skóla sem eiginlega bara strákar hlustuðu á :P þannig að ég ætla ekkert meira að tjá mig meira um það. Segi bara að það er nauðsynlegt að ALLAR konur leggi niður störf klukkan 14:08 og fjölmenni í kröfugönguna. Hún fer frá Hallgrímskirkju klukkan 15 að mig minnir.
Mér finnst mjög gaman að vera reið ung kona :-) Enda með fullan rétt á því! Hvernig stendur á því að konur hafa ekki full laun á við karla? Vill einhver útskýra það fyrir mér? Því ég virðist hafa misst af bátnum hvað varðar þetta atriði. Í augnablikinu vil ég helst bara vera reið út í karla því þeim hefur tekist að snúa jafnréttisbaráttunni sér í hag og svo eru femínistar kallaðar öllum ljótum nöfnum fyrir að reyna að snúa baráttunni aftur að efninu. Nei í alvörunni....karlar fá meira að segja meira fæðingarorlof!!! Vill einhver útskýra fyrir mér hvar jafnréttið er þar á bæ?
Ætla því að enda þennan póst á öðru textabroti, að þessu sinni á okkar ástkæra, ylhýra:

Já, Karlmenn í þessu karlmannalandi
Þið eruð krónískur þjóðarvandi
Þumbist og sperrist við og þykist á við kvenfólkið!

Konur, höfum hátt!
Takk fyrir í dag.

2005-10-12T08:52:00.000Z

Eitthvað sem ég hef hugsað um undanfarið. Svona ef þið eruð að pæla þá er það ekki lenskan framvegis að blogga á spænsku heldur einungis þegar ljóð talar til mín svona eins og þetta ljóð gerir í augnablikinu. Þið skiljið vonandi hvað ég á við.

Un año de amor
--------------
Lo nuestro se acabó y te arrepentirás
de haberle puesto fin a un año de amor.
Si ahora tu te vas pronto descubrirás,
que los días son eternos y vacios sin mí.

Y de noche, y de noche
por no sentirte solo
recordarás nuestros días felices,
recordarás el sabor de mis besos,
y entenderás en un solo momento
qué significa un año de amor.
Qué significa un año de amor.

Te has parado a pensar lo que sucederá,
todo lo que perderemos y lo que sufrirás?
Si ahora tu te vas no recuperarás
los momentos felices que te hice vivir.

Y de noche, y de noche
por no sentirte solo,
recordarás nuestros días felices,
recordarás el sabor de mis besos
y entenderás en un solo momento
qué significa un año de amor.
Y entenderás en un solo momento
qué significa un año de amor.
------------------------------------
Meira mun ég ekki tjá mig um þetta mál.

And I might as well just grin and bear it......

2005-10-06T01:54:00.000Z

Skólinn er orðinn brjálaður. Það hellast hérna yfir mann verkefni á hverjum degi og maður hlýtur að spyrja sig hvar þetta allt hafi verið í seinustu viku þegar nákvæmlega ekki neitt var að gera.
Þið hljótið að gleðjast með mér yfir að vera staðin upp úr veikinni sem plagaði mig í seinustu viku. Ég ákvað bara að ég nennti ekki að vera veik lengur :P
Helgin var mjög skemmtileg. Það var nördastemming tekin duglega fyrir á föstudeginum og djamminu gerð góð skil á laugardeginum. Í millitíðinni var svo kíkt í búðir og haft það næs. Það er gaman að hafa nördakvöld. Afmæli Helganna á vín heppnaðist líka bara mjög vel. Langt síðan maður hefur gengið inn á vín og ekki haft undan því að heilsa fólki. Svo var kíkt í bæinn á Celtic, Kofann og Sólon áður en skriðið var heim rétt í morgunsárið. Ég drakk aðeins of mikið þetta kvöld og endaði einhvern veginn með sólgleraugu sem ég veit ekkert hver á og man ekkert hvernig ég komst yfir. Man þó að Bebe reyndi að rífa þau ítrekað af mér sökum hallærisleika :P Ef einhver kannast við þau, hafið samband.
Hlakka til Austóhittings næsta laugardag. Vona að það sé ennþá planið. Maður heyrir ekkert hérna í sveitinni með nefið á kafi í bókum.
Þið undrist kannski af hverju ég sit hérna og skrifa um miðja nótt. Svefnleysi hefur því miður hrjáð mig seinustu tvær vikur og veldur því að ég er komin með bauga niður á kinnar. Ég er mjög syfjuð en ég bara virðist ekki geta slökkt á heilanum á mér í nógu langan tíma til að festa svefn. Ég virðist hugsa allt of mikið þessa dagana. Kannski um eitthvað mikilvægt, hver veit.
Í öðrum fréttum þá hefur gamalkunnug tilfinning sótt á mig seinustu daga, tilfinning sem er það kunnugleg að ég er næstum glöð að finna fyrir henni aftur jafnvel þó hún sé ekkert það velkomin. Eiginlega bara ekki neitt velkomin . Svona eins og að hitta gamlan vin sem maður hafði hætt að hringja í af miður góðum ástæðum. Tilfinningin kemur þó bara og fer með skammdeginu og svefnleysinu, mest lítið sem hægt er að gera við því.
Þið heyrið að ég er hætt að meika nokkurn sens hérna, ímyndið ykkur hvernig mér gengur að vinna verkefni um Gagnrýna Hugsun og Stjórnmálaheimspeki. Hmmm....reyndar bara nokkuð vel samt, miðað við að þau eru kláruð...
Lýk þessari stuttu færslu með nokkrum vel völdum orðum frá hjartanu:

Dios se cansó de escuchar mi cantinela. Cada noche pago muy cara la gloria. Me siento avergonzada y lo lamento.

Takk fyrir það.

Bad Moon Rising

2005-09-29T13:01:00.000Z

Jæja, minns liggur bara veik heima með hettusótt! Heimildir gefa til kynna að það sé hættuleg veiki sem geti leitt til heilahimnubólgu. Sömu heimildir sögðu mér ennfremur að það væri ENGIN meðferð við nefndri hættulegu veiki, önnur en sú sem einnig er ráðlögð við kvefi. Takk fyrir það.
Oj bara, hvað ég þoli ekki að vera veik, mér leiðist svo mikið að ég er reiðubúin að þola hvað sem er til að aflétta drunganum sem vofir hérna yfir öllu. Svo er ég að missa úr skóla og er núna að bögglast við að leysa hagfræðiverkefni. Sem er í raun hópverkefni. En ég verð að leysa það ein. Frábært. Svo var spilakvöld í gær. Sem ég missti af. Reyndar hefði ég misst af því hvort eð er þar sem ég hefði verið út á landi en oh well....ég er bara að reyna að sjá svörtu hliðina á öllu. Og það er bara að takast mjög vel.
Ókei, ætla að tala um eitthvað skemmtilegt núna .........................Helgin!
Helgin seinasta var mjög skemmtileg. Bifröst á föstudegi og djamm á laugardegi. Það var farið á Sólon og dansað. Five star fun. Fór að velta fyrir mér af hverju fólki finnst gaman að dansa? Nei ég meina, hvað er þetta í okkur sem fær okkur til að dilla rassinum um leið og Britney eða Aha eða whatever heyrist í hátölurunum? Fór bara svona að pæla vegna þess að ég er allaveganna þannig að ef ég fæ ekki að dansa duglega á svona tveggja vikna fresti þá fer ég í skrýtið skap. Smá úturdúr.

Næsta helgi verður vonandi jafn skemmtileg.....það er allaveganna búðarferð plönuð með Berglindi á laugardeginum og svo er partý um kvöldið á kaffi vín. Hin árlegu októberafmæli eru að hefjast og fyrstir í röðinni eru Helgi Már og Helgi frændi(rauði). Vonandi fylgja fleiri hress afmælisbörn á eftir. Október er þannig mánuður að það virðist sem 70% mannkyns séu fædd þá. Það lofar góðri skemmtun á hverju ári.

Er búin að reyna að fylgjast aðeins með þessu Baugsmáli en er hætt að nenna því. Þetta mál á ekki eftir að koma vel út fyrir neinn og er skólabókardæmi um mál þar sem frekar hefði átt að sitja heima en fara af stað. Nei í alvöru. Allir aðilar reyna að draga upp sem mestan skít á hina en í leiðinni skvetta þeir svo miklu á sjálfa sig að allir eru orðnir drullugir upp fyrir haus og ekki sést neinn munur á neinum. Bara sorglegt fyrir alla. Svo fyrir ofan alla situr Davíð og glottir og segist hafa séð þetta allt fyrir og vita allt best og að fjölmiðlar séu ömurlegir og kominn sé tími á önnur lög. Ég gæti ælt.

En nú verð ég að halda áfram með lærdóminn. Ef eitthvert góðhjartað hagfræðiséní les þetta þá vantar mig hjálp strax!
Kveðjur frá húsi eymdarinnar.

Klukk!!

2005-09-23T16:32:00.000Z

Já, Berglind klukkaði mig.......Vissi fyrst ekki hvað í fjandanum hún væri að meina en eftir að hafa lagst í umfangsmikla rannsókn urðu niðurstöður þær að ég ætti að segja heiminum fimm lítt þekkta hluti um sjálfa mig. Here goes:

1. Ég er í áfanga sem heitir Forysta og Samskipti. Hann á að undirbúa mig undir leiðtogastörf og hluti hans fjallar um ræðumennsku. Í fyrsta tímanum átti ég að segja oggupínkulítið frá sjálfri mér en það varð mér næstum um megn, ég svitnaði og skalf og ég held að hjartslátturinn í mér hafi heyrst til Reykjavíkur. Leyndarmálið er: ég ÞOLI ekki að tala fyrir framan fólk og ég á mér litla möntru sem ég fer með til að róa mig. Og nei, ég segi ekki hver hún er.

2. Ég er í alvörunni klárari en ég lít út fyrir að vera. Nú veit ég að ykkur flestum mun svelgjast á og hrópa: "Nei, það getur ekki verið!!!!" En ég fullyrði það samt að ég er klárari en þið haldið. En ég held því bara fyrir mig ;)

3. Ég drekk ekki jafn mikið af kókómjólk og ég gerði á grunnskólaárum mínum. Núna kaupi ég hana bara, svona til að halda uppi ímynd minni sem kókómjólkurskrímslið.

4. Ég vildi í alvörunni ekki fá spangir. Það mætti svo sem alveg rétta aðeins tennurnar í mér en á sínum tíma hugsaði ég bara: "Screw it!!! Ég verð hvort eð er aldrei ánægð með sjálfa mig." En vitiði hvað? Með tíð og tíma varð ég bara ágætlega ánægð með útlitið. Að minnsta kosti á góðum dögum, þegar ég er búin að skrúbba á mér húðina og slétta á mér hárið.

5. Ég hlakka alltaf rosalega mikið til jólanna bara til að geta hlustað á jólalögin.

Þá er bara spurning um að finna fimm aðra til að klukka.........Svani, Karen, Sigurður Hrafn :), og síðan klukka ég Siggu af því ég held að Bebe hafi klukkað of marga. Og að lokum skora ég á nefnda Bebe að blogga nú eitthvað sjálf!!!!!!!!

Snjókorn falla....

2005-09-21T08:02:00.001Z

Það snjóar hjá mér! :)
Það ætti að gera göngutúrana mína áhugaverðari allaveganna fyrst um sinn, eða þangað til ég fæ leið.
Ég veit ekki lengur hvað ég var að pæla þegar ég valdi skemmtiefni á tölvuna mína. Ég er semsagt með The Ninth Gate, The Ring og The Exorcist. Ef maður sameinar þetta svo með X-Files þáttunum sem ég er að sjálfsögðu einnig með, þá ertu komin með blöndu sem er ekki beinlínis eitthvað sem hægt er að horfa á ein, seint á kvöldin. Sem betur fer er ég einnig með Harry Potter 2 ;)
Það var mjög gaman um seinustu helgi, komst að vísu ekki í bæinn fyrr en á laugardag og missti því af Austó-gellu hittingnum :( en það er bara góð ástæða til að halda annan hitting og það fljótlega! Aldrei að vita nema það verði hægt að hittast heima hjá mér, kannski um þarnæstu helgi? Hugmynd?
En ég var að tala um laugardag, það var semsagt sextugsafmæli hjá afa mínum, haldið í voða fínum sal á Hallveigarstíg, og með svona mat eins og ég elska, camembert og hráskinka og svoleiðis. Og auðvitað fullt af víni. Ég verð alltaf voða stressuð þegar ég finn á mér í fjölskylduveislum og alltaf rosalega upptekin af því að láta það ekki sjást hvað ég sé drukkin. Sem auðvitað tekst aldrei. Ég held ég hafi hellt hvítvíni yfir föðursystur mína og maðurinn hennar, sem er verktaki fyrir Kárahnjúkavirkjun. Auðvitað þurfti ég að segja - mjög háum rómi - upp í andlitið á honum - hvað mér fyndist um þessa nauðgun á einni af okkar helstu náttúruperlum. Ég held ég hafi meira að segja hótað því að ganga í Sjálfstæðisflokkinn. Eða Framsóknarflokkinn. Líklegast bara bæði. Svo söng ég að sjálfsögðu...voða hátt og falskt. As you do.
Það er búið að vera ágætlega bissí hérna á Bifröst. Ég hef varla haft tíma fyrir Warcraft sem verður að teljast merkilegt miðað við hvað ég er háð þessum leik. Ókei, ég veit að ég gerði rosalega mikið grín af þessu role-playing veseni til að byrja með en nú er ég bara virkilega komin inn í það. Fór á bar í gærkvöldi í Stormwind og drakk mig blindfulla ásamt Pétri og tveimur öðrum. Það var dansað upp á borðum, strippað og læti.... Dó svo í einhverjum stól.
Ok, enginn á eftir að skilja seinustu málsgrein nema warcraft og d&d nördar.....Svona til að clarifya fyrir ykkur hin....Þetta gerðist ekki í alvörunni - allt bara hluti af tölvuleik. Ok, nú hef ég sjálfsagt ruglað ykkur enn meira :P
Nú er bara spurning með næstu helgi. Ég er alls ekki viss um að ég komi í bæinn en það má reyna að múta mér. Ef einhver er til í að koma á djamm. Feitt djamm. Ég er ekki búin að fara á Hressó og dansa í þrjár vikur! Ég held ég sé komin með fráhvarfseinkenni :( Ef enginn kommentar þá veit ég að þið viljið að ég sé bara hérna út á landi.

The adventures of a drunken co-ed

2005-09-13T08:14:00.000Z

Jæja, þá er loksins búið að taka þessa síðustu bloggfærslu mína og vista hana á Árnastofnun. Það finnst mér þýða að það geti mögulega verið kominn tími á nýja.
Þá er bara spurning hvað skal segja. Ég vil taka það fram hvað ég er glöð og þakklát fyrir að þið skulið halda að ástæðan fyrir að ég skrifi aldrei neitt sé sú að ég lifi svo spennandi lífi að enginn tími gefist fyrir skriftir. Engum virðist hafa komið til hugar að í rauninni sé ástæðan sú að lífið sé svo óspennandi í minni litlu veröld að tilraunir til bloggskrifta hafi verið sjálfdauðar. Kossar og knús til ykkar allra fyrir falleg hvatningarorð ;) Mardís fær þó extra koss fyrir að hafa ekki beitt hótunum.
Ágúst var reyndar sérstaklega viðburðarríkur mánuður og hef ég enga afsökun fyrir að vera búin að gleyma ýmsu og geta því ekki sagt frá smáatriðum. Mest var þó gert af djammi, fyrrihluta mánaðarins en ég man ekki lengur tilefni þeirra, singstar kemur helst upp í hugann og verslunarmannahelgin. Haldið var í viku útilegu þar sem við Pétur vorum hundelt af stormi þvert yfir landið. Samt gaman. Það var farið í ýmis afmæli og kaffihúsaferðir og einfaldlega haft það gott. Ég kláraði vinnu, fór í sumarfrí, var kölluð úr sumarfríi til að fara í aðra vinnu o.sv.frv.
Og flutti út á land. Já, ég Ragnheiður Júlía er orðin hluti af þeim litla hópi er kallar sig.....ókei ég veit ekki hvort við köllum okkur eitthvað. Gimmí a breik, ég er nýflutt!!!!
En ég er hér í lítilli paradís í Norðurárdal og líður eins og blómi í eggi. Ég er með stórt herbergi(og eigið bað!) í sex manna íbúð að Bollakoti 3 . Ég er búin að fara tvisvar í Ikea og kaupa hinar ýmsu nauðsynjar til að innrétta áðurnefnt herbergi(og eigið bað!) og nú er það orðið nokkuð kósí.
Íbúðarfélagarnir eru 5 stelpur og höfum við bondað yfir kaffihúsasetum og sameiginlegum áhuga á Kana(spilinu þ.e.a.s.).
Bifrastarlíf er ljúft líf. Skólinn er skemmtilegur, ég má borða það sem ég vil og ég ítreka: stórt herbergi(og eigið bað!)
Hér var haldið ball á fimmtudag í hinum margrómaða Hreðavatnsskála. Við stelpurnar ákváðum að það væri sæmilegasta hugmynd að halda fyrirpartý. Við buðum fólki, það kom, það var gítar á svæðinu og hin besta stemning myndaðist. Svo var haldið á ballið, dansað undir spili einhverrar kover-hljómsveitar en klukkan tvö var ég orðin þreytt og hélt heim. Ég villtist reyndar aðeins á leiðinni og endaði inn á róló (ekki spyrja, ég hef ekki hugmynd) en komst þó að lokum heim og fékk mér smá þynnkumat ásamt Möttu er býr með mér. Allt í einu er bankað á eldhúsgluggann okkar og standa þar úti tveir strákar sem við þekkjum. Við hleypum þeim inn, fleiri íbúar koma heim, gítarinn er tekinn fram og byrjað aftur að spila en svo vitum við ekki fyrr en allar dyr eru opnar og fólk streymir inn í húsið. Þá átti bara að vera heljarinnar eftirpartý hjá okkur. Þegar við förum að grennslast fyrir um ástæðuna kom í ljós að það hafði verið auglýst á ballinu að það væri partý í Bollakoti 3! Við vorum ekki sáttar við þetta, sérstaklega þegar fólk byrjaði að reykja inni og tókst okkur að henda flestum út með því að auglýsa partý í næsta húsi við okkur ;) Þess má geta að þar var svo partý til hálf-sjö um morguninn, íbúum hússins til mikillar undrunar.
Í augnablikinu er ég þunn. Það væri ekkert undarlegt ef ekki væri miðvikudagur. En við stelpurnar og kærasti einnar þeirra horfðum á Liverpool rústa Real Betis í meistaradeildinni í gær. Við fengum okkur bjór fyrir leik, bjór með leik og meiri bjór eftir leik. Ég fékk mér að vísu ekki mikinn bjór fyrr en eftir leik. Ég, Matta og Ylfa föttuðum svo uppúr 11 að við værum orðnar nett hífaðar. Eins og alvöru dömum sæmir. Enduðum í næsta húsi að spjalli við skiptinema - strákana sem minnst var á áðan.
En jæja, eins og ég sagði þá er hér frábært að vera. Hér eftir verður þessari vefdagbók varið til að lýsa ævintýrum mínum hér í þessu yndislega háskólasamfélagi (og eigið bað! nei...bíddu það passar ekki alveg)

...Later

Pælingar

2005-07-04T20:52:00.000Z

Ég man nákvæmlega eftir augnablikinu þar sem mér fannst í fyrsta skipti að ég væri orðin stór.
Ég var sextán ára og var að við tölvuna inn í herberginu mínu þegar ég fattaði að klukkan væri orðin tvö um nóttina. Ég gekk fram á gang og sá að allir voru farnir að sofa. Á því augnabliki fattaði ég að það voru liðin nokkur ár frá því móðir mín hafði skipað mér að fara í háttinn. Mér brá við að fatta þetta því ég vissi að það þýddi að héðan í frá yrði mér treyst til að taka ákvarðanir sjálf. Ég varð nokkuð upp með mér en um leið helltist einnig yfir mig ákafur einmanaleiki. Að ráða sér sjálfur þýðir að þú ferð ekki að gráta í hvert skipti sem þú hrasar. Þú verður einfaldlega að standa upp sjálfur. Þú getur að sjálfsögðu beðið um hjálp en þú verður að biðja fallega og þakka álíka fallega fyrir þig.
Nú veit ég að þegar mamma les þetta mun hún glotta og koma með nokkur milljón skipti sem ég hef grenjað yfir hinum ýmsu smáslysum í lífi mínu síðan ég var sextán. Hún getur líka sjálfsagt talað um hvernig ég hef ekki þakkað fyrir þá hjálp sem hún hefur ástúðlega veitt í hvert skipti sem ég hef þurft á að halda. Og það er allt rétt hjá henni.
En ég er nú samt þakklát :-) Og nota þá bara tækifærið núna og segi takk innilega fyrir mig.
En þessi sami einmanaleiki og ég fann fyrir þessa nótt fyrir fimm árum hefur rignt yfir mig alveg síðan ég fattaði að ég væri að flytja frá mömmu út á land. Ekki get ég lengur mætt heim á kvöldin og heimtað kvöldmat :) Ekkert frítt húsnæði eða pláss undir draslið mitt.
Hér eftir ber ég fulla ábyrgð á sjálfri mér. Og þar sem ég þekki mig þá get ég ekki annað en verið smá hrædd.....

On a happier note, þá er hér helgarúttektin:
Föstudagur: Skemmtilegt innflutningspartý hjá Brynju og Ragga. Þar var drukkið og farið í Singstar þar sem við stelpurnar fórum á kostum. Raggi, Pétur og Markús fá samt honourable mention fyrir hetjulega takta við að reyna að sigra :-)
Allir fengu að syngja þótt ýmsir hafi gert tilraunir til að eigna sér míkrafón eftir því sem þær urðu drukknari. Nefni ekkert nafn en það byrjar þó á R og endar á agnheiður :-)
Brynja og Raggi fengu margar fínar gjafir sem þau urðu mjög ánægð með. Bendi á nýju myndasíðuna mína fyrir frekari upplýsingar.
Svo var farið niður í bæ og haldið á Nellys og Sólon þar sem var drukkið og dansað. Þaðan fóru þó flestir heim en við hardcore liðið :P (ég, Raggi, Atli, Mardís og Matt) héldum á Galumbar þar sem partíið hélt áfram.
Laugardagur fór í vinnu(oj bara, hata Ikea) en um kvöldið var þó haldið í bíó á War of the Worlds. Hún er bara mjög góð og hörkuspennandi þrátt fyrir soldið veikan endi. Brynja og Raggi ætluðu að koma með okkur en beiluðu svo á seinustu stundu. Þið skuldið okkur bíóferð, kæra fólk :-)
En hvað skal gera um næstu helgi? E-r hugmyndir?

...later

I'm walking on sunshine!!!!

2005-06-19T23:15:00.000Z

Frábær, frábær vika!!!
Veðrið undanfarið lætur mann skipta um skoðun með að vilja flytja úr landi. Það er yndislegt að vinna í svona sólskini og hita. Hópurinn sem ég er með er rosa fínn og ég hef góða tilfinningu fyrir sumrinu. Sú tilfinning hverfur sjálfsagt næst þegar rignir en oh well.....
Það er líka svo frábært þegar vinnuvikan styttist svona og maður fær þriggja daga helgi.
Að vísu fékk ég einn annan auka frídag í seinustu viku en honum var bara eytt í það að sitja (nei, fyrirgefið standa, gat ekki setið) heima í sársauka og volæði. Þannig er nefnilega að ég ákvað að mér þætti gaman á línuskautum og ákvað að draga þá fram aftur. Hins vegar á þeim nokkru árum sem ég hafði ekki notað þá höfðu þeir eitthvað skemmst og voru lítt nothæfir. Á þriðjudaginn ákvað ég því að stela skautunum hans Péturs. Þeir eru hins vegar sex númerum og stórir og urðu því þess valdandi að ég datt á línuskautum í fyrsta skipti á ævinni. Og þetta var líka þetta þvílíka graceful fall beint á rassinn. Ég er því brákuð á rófubeininu og með smá whiplash í hálsinum. Og er að pæla að kaupa mér nýja línuskauta í minni stærð. Og rasspúða.

En Mardís er á klakanum!!! Og ég fór og hitti hana og Matt á kaffi vín þar sem var rætt um nýjustu fréttir (bara óléttur...hvað er að gerast fólk?!) og gamla tíma. Mardís verður hérna til 8 júlí og ætla ég að reyna hitta hana eins oft og ég get. Eða allavegana þangað til hún fær leið á mér!

En helgin var æðisleg.
Hún hófst á fimmtudag með grilli heima hjá Þór Fannari þar sem var mikið stuð á mannskapnum, sérstaklega Jöru hinni kasóléttu :-)
Svo héldum við Berglind heim til Svana þar sem var drukkið og farið í Pictionary( þar sem undirrituð hélt uppi heiðri sínum sem sjálfskipaður tímavörður) og svo í Scrabble (þar sem undirrituð hjálpaði Ásu að rústa spilinu). Þegar við vorum orðin of ölvuð til að mynda gáfulegri orð en tveggja stafa (Hæ og Tá para un ejemplo) var ákveðið að fara niður í bæ. Vegna biðraðar við Hressó var ákveðið að kíkja á gamlar slóðir á Nellys sem nýbúið er að gefa innri andlitslyftingu. Þar var dansað en okkur brá þó pínku er við tókum eftir að meirihlutinn af hópnum á dansgólfinu voru strákar að kyssa hvor aðra :-)
Semsagt nýr og betri Nelly´s! :-) Mjög svo skemmtilegt kvöld!

Mikið rosalega er gaman að hafa gott veður á 17. júní. Ég hef bara aldrei vitað svoleiðis fyrr!
Samkvæmt kenningu minni stafar það af þremur ástæðum:
1. Mardís er á landinu.
2. Mamma þurfti að vinna.
3. Pétur var fárveikur heima.
Þurfum hér eftir að sjá til þess að þessir faktorar verði til svæðis alltaf framvegis. Sorrí mamma og Pétur but you brought this upon yourselves :-)
En semsagt æðislegt veður og ég og Berglind eyddum deginum í að rölta um í bænum og upplifa sanna þjóðhátíðarstemmingu. Svo var haldið heim að punta sig fyrir kvöldið.
Ég fór svo og hitti Mardísi, Matt og Höllu á Arnarhóli og Berglind og Siggi bættust svo í hópinn.
Hvað var málið með að tónleikarnir væru búnir klukkan 10? Svoleiðis var það ekki í mínu ungdæmi!!!! Þetta á að enda klukkan tólf og ekki mínútu fyrr! Og hananú!! :-)
Ég Berglind og Siggi héldum svo á Austurvöll þar sem við sátum og drukkum og fylgdumst með gítarpartýinu á næsta bekk. Ég hitti tvo af unglingunum sem ég er með í hóp og fæ sjálfsagt ekki að heyra endinn á því næstu daga :-) ,,Drekka kampavín á Austurvelli skiluru! Talandi um skrýtið lið!!" Ég verð nú samt að segja að það að sitja niðrí bæ úti að drekka tekur mann bara aftur til fjarlægari og kaldari tíma þegar maður var svo langt frá því að komast inn á staði að maður þurfti að fara niðrí bæ með þungan risastóran bakpoka sem glamraði í! Ring any bells, anyone? :-)
Hittum svo aftur Mardísi og Matt hjá Hlölla og svo komu Sigga og Árni. Við fórum öll á Hressó og dönsuðum fram í morgunsárið og skemmum okkur konunglega. Skemmtileg endalok á kvöldinu var að sjá Berglindi og Sigga leika foreldra við blindfullan og mjög svo kunnuglegan ungling sem fannst niðri í bæ og þurfti að bera heim.
Ég vaknaði svo um morguninn við þær frábæru fréttir að Garðar og Jara væru orðnir stoltir foreldrar að lítilli stelpu. Til hamingju með það, elsku Garðar og Jara!!! Og megi ætíð vera sólskin á afmælisdaginn hennar....og bara alltaf!! :-)

...Later

Fyrsta júní-færslan

2005-06-07T20:36:00.000Z

Hmmm.... kannski kominn tími á smá bloggfærslu.
Seinasta helgi var mjög fín. Helgin þar á undan var enn betri.
Singstar rokkar meira en allt annað!!!!
Seinasta föstudag hittumst við heima hjá Ásu(sem á alla singstar diskana btw) og skemmtum okkur konunglega. Myndir koma bráðum. Við héldum svo niður í bæ þar sem við hittum 5 frakka og héldum við orðspori okkar sem leiðsögumenn um næturlíf Reykjavíkur. Dönsuðum feitt á Hressó og hittum svo Svana. Hann ætlar að standa við loforð sitt um að gera mig að sönnum nörd og kenna mér d&d.
Ég byrjaði í unglingavinnunni í gær. Þurfti aðeins að vinna úti og hvað gerðist? Auðvitað kom þessi líka hellirigning! Hún má að sjálfsögðu standa þangað til á Föstudag á meðan ég er á leiðbeinandanámskeiði en eftir það, þegar ég fer í arfann for good, þá er eins gott að það verði sólskin í aaaaaaaallllt sumar!!
Í dag lærðum við um fjölmenningarleg samskipti og verklega skyndihjálp. Ég fékk að setja spelkur um úlnliðinn á einni stelpu og blása í TVÆR dúkkur!! :-)
Svo fékk ég líka að gera das heimlich manouver! :-)
En jæja, segi ekki meira í bili...
Later....

Þá veit ég það! :-D

2005-05-31T21:41:00.000Z

Rakst á þessa síðu um daginn. Ákvað að taka prófið mér og ykkur til gamans. Enda eins gott að vera með svona á hreinu eða hvað? ;-)

Your dating personality profile:

Liberal - Politics matters to you, and you aren't afraid to share your left-leaning views. You would never be caught voting for a conservative candidate.
Big-Hearted - You are a kind and caring person. Your warmth is inviting, and your heart is a wellspring of love.
Adventurous - Just sitting around the house is not something that appeals to you. You love to be out trying new things and really experiencing life.

Your date match profile:

Big-Hearted - You want someone compassionate, someone gentle and kind. A loving, nurturing person will fill that hole in your life.
Adventurous - You are looking for someone who is willing to try new things and experience life to its fullest. You need a companion who encourages you to take risks and do exciting things.
Romantic - You need someone with a traditional understanding of romance. A true romantic is a must-have in any potential date.

Your Top Ten Traits

1. Liberal
2. Big-Hearted
3. Adventurous
4. Romantic
5. Wealthy/Ambitious
6. Outgoing
7. Sensual
8. Intellectual
9. Athletic
10. Practical

Your Top Ten Match Traits

1. Big-Hearted
2. Adventurous
3. Romantic
4. Practical
5. Athletic
6. Intellectual
7. Outgoing
8. Funny
9. Sensual
10. Traditional

Your dating profile: www.datingdiversions.com

Diary of a pissed off, white girl

2005-05-25T20:50:00.000Z

Las Blaðið(frumlegt nafn btw) í dag. Það mun þá vera í annað skipti síðan það byrjaði að koma út. Fyrra skiptið var það oftroðið af auglýsingum og þær fáu greinar sem komust að, miðuðu allar að því að vera með sem mest skítkast á Fréttablaðið. Gafst fljótt upp á lestrinum í það skiptið. Í dag var þetta betra, það voru komnar fréttir og svona. Ég var bara nokkuð sátt eftir að hafa lesið allar(!) 10 blaðsíðurnar þangað til ég kom að pistli er bar yfirskriftina: ,,Femínistar - draugabanar 21. aldarinnar." Þar gerir pistilhöfundur (maður að nafni Magnús) grín að femínistafélaginu fyrir að hafa límt límmiða á klámblöð og segir þær frekar eiga að horfa á garðinn heimafyrir og mótmæla kvennablöðum. Hann segir að rót vanda kvenna liggi í lélegri sjálfsmynd þeirra sjálfra og blöð eins og Cosmopolitan hjálpi til við að rífa niður konur með því að senda þeim misvísandi skilaboð um hvernig við getum þóknast öðrum. Orðrétt segir í greininni: ,,Nú höfum við með örlítilli hugleiðingu séð glitta í grundvalllarvanda hinnar vestrænu konu. Hún er á tilvistarlegum vergangi - hún er háð öðrum um eigin sjálfsvitund."
Þetta er alveg dæmigert fyrir einhvern kall að segja: ,,Jæja stelpur, ég hugsaði í fimm mínútur með mínum karlmannlega stóra heila og ég er búin að sjá út vandamál ykkar!" Frábært að við skulum eiga svona riddara til að hugsa fyrir okkur, finnst ykkur ekki, stelpur? Við getum bara snúið okkur aftur að eldhússtörfunum!!
Ég get vissulega alveg tekið undir það að ekki er heilbrigt að lesa Cosmopolitan eins og Biblíuna en blaðið er skrifað til að skemmta. Og þannig á það líka að lesast: Sem afþreying, ekki sem heilög boðorð sem allar konur verða að fara eftir til að fúnkera í samfélaginu. Og að segja að femínistar eigi frekar að berjast gegn Cosmo en klámi finnst mér einfaldlega heimskulegt. Ég veit ekki betur en hörðustu femínistar séu á móti báðu. Þetta eru tvenn mismunandi baráttumál en klámvæðingin er tvímælalaust brýnna og alvarlegra. Klám er fáránleg og heimskuleg afþreying, í flestum tilfellum niðurlægjandi fyrir bæði kynin.
Ég er orðin hundleið á þessum hrokafulla rembingi sem beinist gegn femínistum. Allt þetta endalausa röfl um móðgaðar trukkalessur er eldgamalt og ber vott um takmarkað vit. Og vitið þið hvað? Ég ætla að ganga í femínistafélagið strax á eftir. Þá get ég þakkað pistilhöfundi góð ráð en einnig sagt honum að stinga rakettu upp í rassinn á sér. Ég vel mín hjartans mál sjálf, takk fyrir.

Af tveimur Könum og síngstar/júróvisjónpartíi

2005-05-23T21:26:00.000Z

Jæja, þá ætla ég að tala aðeins um þessa súrrealísku en þó á köflum bráðskemmtilegu helgi.
Hún byrjaði þegar Bebe hringdi í mig í panik-kasti. Þá hafði hún, sökum góðmennsku og hinnar annáluðu íslensku gestrisni, lofað að sýna amerískum hjúkrunarnemum bæinn. Henni leist ekki meira en svo á blikuna þegar hún heyrði að þau væru 18 og fékk því mig, Birgittu og Ásu í lið með sér. Við hittumst því heima hjá henni um 10-leytið og ég og Berglind drukkum í okkur kjark. Ása og Birgitta voru á bíl og gátu því ekki leyft sér fljótandi uppörvun. Um 11 vorum við mættar í ganginn á hótelinu þar sem við áttum að hitta þá. Svo líður og bíður og enginn lætur sjá sig. Við erum orðnar nett móðgaðar en höldum bara áfram að tala og hlæja að tveimur útlendingum sem sátu sakleysislega með farangurinn sinn í ganginum. Birgitta athugaði (mjög vísindalega) hvort þeir skildu íslensku með því að biðja þá vinsamlegast um að viðurkenna það ef svo væri raunin. Þeir létu ekkert uppi svo við héldum bara áfram að gera grín að þeim: ,,Hvað, hafa þeir ekkert betra að gera nema sitja með farangurinn sinn hérna! Eru þeir að bíða eftir flugi? Rosalega eru þeir sorglegir!!" o.sv.frv. Þegar við höfum haldið áfram í þessum dúr, haldið þið að annar náunginn dragi ekki upp síma, hringi og segi svo á hinu ástkæra, ylhýra: ,,Hvar ertu eiginlega?? Við erum búnir að bíða geðveikt lengi!!" Við urðum nokkuð mikið vandræðalegar við það en sem betur fer fóru þeir stuttu seinna og við gátum dáið úr hlátri í friði. Við gáfumst líka upp á að bíða eftir hjúkkunum og fórum niður í bæ því helming hópsins langaði á Hlölla. Það var ekki laust við að Berglind væri mjög fegin yfir að þurfa ekki að leika guide to the Reykjavík dirty weekend en hún var ekki fyrr búin að koma þessum feginleik í orð en helvítis náungarnir hringja og spyrja hvar við séum. Við höldum því aftur upp á hótel til að ná í þá. Þeir voru sem betur fer bara tveir og byrjuðum við á að fara með þá á Sólon. Þar sýndum við þeim dansmenninguna en því miður fyrir þá voru einungis tvær mjög skrautlegar gellur á dansgólfinu. Þær sýndu þá verstu og mest spastísku takta sem ég hef á ævi minni séð og ég gat ekki gert upp við mig hvort þær væru að grínast eða hvort þeim fyndist þetta virkilega flott og sexí. Við dönsuðum aðeins líka en fórum svo. Fyrir utan kvaddi Birgitta okkur og stuttu seinna stakk annar kaninn af :-)
Þá vorum við komin á Nelly's en þar var efri hæðin lokuð. Þá kom kærastinn hennar Ásu og sótti hana og Berglind ákvað að fá far með þeim. Sat ég því ein eftir með hinum skrýtnari af þessum tveimur Könum. Ég ákvað að gera gott úr því og sýna honum hvar helstu staðirnir væru. Gengum við því niður í bæ og svo aftur upp á hótel til hans þar sem mér tókst að kveðja hann í dyragættinni með þeim orðum að það væri komið fram yfir háttatíma minn. Hann vildi þá fá símanúmerið hjá mér því hann vildi endurtaka leikinn á laugardag. Ég kunni ekki við að neita því enda vorum við stelpurnar margbúnar að lofa þeim skemmtun og segja þeim hvað það yrðu margir í bænum þá. Við svo búið hringdi ég í Pétur og lét hann sækja mig enda voru puttarnir að frjósa af mér. Ekki var hægt að segja að þessi tilraun til að skemmta útlendingum hafi verið vel heppnuð en ég hló samt merkilega mikið á þessum nokkru klukkutímum.
En laugardagurinn rann upp bjartur og fagur og byrjaði vel með Singstar kaupum. Fór ég svo heim til mín að taka til því ég hafði lofað að vera gestgjafi í Eurovision partýi. ,,Stuðið" byrjaði hálf átta þegar Berglind, Siggi og Sigga mættu. Strákarnir drógu sig fljótlega í hlé til að tala í friði um World of Warcraft en við stelpurnar horfðum á keppnina. Ég hélt með Ungverjalandi og Moldavíu en verð að viðurkenna að mér fannst gríska lagið ekkert skemmtilegt. Á meðan á keppninni stóð slógust Helgi Már og Nanna í hópinn. Eftir endalok keppninnar vildum við stelpurnar fara í Singstar og var það gert þrátt fyrir einhverjar bænir um að horfa á Dirty Harry á Skjá Einum. Þar var keppt stelpur á móti strákum og rústuðum við stelpurnar þessu tvisvar 10-4. Þess skal þó geta að Helgi Már rokkaði feitt. Ameríkaninn frá kvöldinu áður hringdi nokkrum sinnum á meðan öllu þessu stóð á og endaði ég á að lofa því að hitta hann á Nelly's klukkan eitt. Ég var þó, eins og Íslendinga er siður, hálftíma of sein og bærðist sú von í brjósti mér um að hann hefði gefist upp á að bíða. En nei nei hann var þar ennþá í góðum gír. Mér tókst þó eiginlega strax að koma honum upp á hótel og ætlaði að yfirgefa hann þar en hitti þá fyrir nokkrar stelpur sem ég fer að tala við og enda á því að sitja með þeim í klukkutíma. Var aðeins að grilla þær um bandarískt háskólalíf og svona fyrst að það eru nú líkur á að ég muni enda þar innan fárra ára. Á meðan er ég sífellt að reyna að hringja í Bebe en batteríisleysi og almennt dugleysi símkerfisins valda því að ekkert gengur. Þegar mér loksins tekst að ná sambandi bið hana er hún komin heim og farin að kúra með Sigga sínum. Þrátt fyrir tilraunir tekst mér ekki að ná henni út aftur. Ég hringdi þá í Nönnu og endaði á því að fara aftur með henni, Ölmu og Auði á Nelly's. Nanna stingur þó af áður en við förum inn, vildi fara að kúra með Helga sínum. Ekki laust við að mig hafi langað til Péturs en ég dansa þó smá en labba svo heim. Það er, eftir allt saman, svo gott að kúra....
Úff, þetta var nú meiri ritgerðin. Ef ég fæ ekki mörg komment fyrir þetta þá verð ég brjáluð!!
Later :-)

May the force be with you

2005-05-23T11:54:00.000Z

Nýja og vonandi seinasta Star Wars myndin er þá loksins komin. Ég fór á hana í gær með pínku ugg í brjósti því eftir seinustu tvær myndir hélt ég að mitt harða Jedi-hjarta gæti ekki þolað fleiri setningar frá Jar-Jar. En myndin kom mér þægilega á óvart. Þessi þriðji og myrki kafli er spennandi og ógnvekjandi og loksins tekst Lucas kallinum að ná upp hinni sönnu Star Wars stemningu. Þó verð ég að fá að taka fram að ég hefði helst viljað að Lucas hefði horfst í augu við það að hann er enginn sérstakur leikstjóri og að hann gæti ekki skrifað handrit til að bjarga lífi sínu. Sum samtölin eru það illa skrifuð að það er ánægjulegra að hlusta neglur skerast eftir töflu. Góðir leikarar ná þó að bjarga því að mestu. Natalie Portman er góð leikkona en sumar línurnar sem hún fær eru það vondar að besta leikkona í heimi gæti ekki farið vel með þær. Ewan McGregor og flestir aðrir gera vel en stjarna myndarinnar er þó Ian McDiarmid sem keisarinn. Hreint út sagt frábær leikur. Ég vildi óska að ég gæti sagt það sama um Hayden Christensen en drengurinn virðist ófær um að geta bögglað út úr sér setningu á sannfærandi hátt. Ég vildi óska þess að það hefði verið hægt að komast í gegnum myndina án þess að láta hann segja orð. Hann er ágætur þegar hann þarf bara að horfa ógnvekjandi inn í myndavélina. Having said all that þá verð ég að bæta við að það hljóti að vera mjög erfitt að leika á móti tölvugerðum fígurum í meirihlutanum af myndinni. Ewan McGregor sagði eitthvern tímann að hann hefði hlakkað mjög til að leika í Star Wars en í rauninni hefði þetta verið eins og á geðspítala því í flestum atriðunum hefði hann staðið inn í grænu herbergi og talað við sjálfan sig!
En bottom-line: Ég skemmti mér vel. Og grét á viðeigandi stöðum.
Þessi mynd bætir upp fyrir episode I og II. Ég er aftur stolt af því að kalla mig harðan Star Wars aðdáanda :-)
Að lokum, kíkið á þetta: Drepfyndið fyrir Star Wars aðdáendur
http://www.compfused.com/directlink/610/

Hæ Hæ

2005-05-22T23:42:00.000Z

Ég er komin aftur eftir tímabundna fjarveru.
Ótrúleg helgarsaga og gagnrýni á Star Wars kemur á morgun!!
Bíðið þið ekki spennt? :-)
Á meðan er ég að reyna að setja allar myndirnar mínar á netið en því miður virðist ég eiga mjög einmanalegt og sorglegt líf því myndirnar eru fáar og misspennandi. Ég ætla að reyna að vera duglegri við að taka myndavélina með á djammið. Hef verið feimin við það að ótta við að týna henni í drykkjulátum. Lofa að standa mig betur. Later.

Saturday night and I aint got nobody....

2005-05-08T00:18:00.000Z

Hversu sorgleg er ég?
Laugardagskvöld og ég er að fara að sofa snemma. Kærastinn farinn út að leika og mér ekki boðið með. Jæja......
Fór á fimmtudag í langan göngutúr með Nönnu og Berglindi. Þessir göngutúrar eru að gera góða hluti fyrir mig. Er að pæla að keyra eitthvert uppí sveit á morgun og anda að mér smá fersku lofti. Atkvæðaseðillinn minn fyrir formannskjör Samfylkingarinnar er kominn. Er búin að fylla hann út en er enn að velta fyrir mér hvort ég ætli yfir höfuð að senda hann. Nafnið mitt er prentað á hann þannig að þeir vita nákvæmlega hver kýs hvern og ég veit ekki hvort ég nenni að taka þátt í svoleiðis.... Minnist þess reyndar ekki að hafa skráð mig í Samfylkinguna, einungis Unga Jafnaðarmenn og nú sé ég dálítið eftir því. Veit ekki hvort það tekur því að vera skráð í flokk sem ég hef lítið álit á.
Var að skoða forum-ið hjá imdb áðan og vááá hvað sumt fólk er leiðinlegt. Ég var einu sinni voða dugleg við að posta þarna og skiptast á skoðunum en núna virðist fólk þar ófært um að halda uppi samræðum án þess að sökkva niður á grunnskólalevel bara af því að það hafa ekki ALLIR sömu skoðanir og það!!! Er mjög skemmt yfir sumum kommentunum þar.
En jæja, ég er farin í fýlu því það hringir enginn í mig. Ætla að fara og tala við aðra x-files nörda.

P.s. Var að lesa þetta yfir áður en ég setti þetta á netið og ég er meira að segja sorglegri en ég hélt. :( Er sokkin í þunglyndi.

Tjáningaræfing á þriðjudagsmorgni

2005-05-03T09:00:00.000Z

Jæja, þá er ég aðeins komin niður á jörðina aftur. Þetta er samt feitt skemmtileg tilhugsun að vera að fara í hemavistarskóla úti á landi, líka pínku ógnvekjandi....... Verð að redda mér húsnæði bráðum. Mér skilst að fyrstir komi, fyrstir fái í þeim efnum. En ég hlakka svo til, ég hlakka svo til, ÉG HLAKKA SVO TIL!!!!!!!
Anyways......(róa mig niður aftur)...ég er mjög montin af sjálfri mér eins og þið kannki heyrið en ég skal standa mig betur í að reyna að láta það ekki sjást :)
Marín, mamma hans Péturs réð mig í vinnu hjá Das þannig að í gær, dag og á morgun mun ég standa í Kringlunni til kl. 6 og dreifa miðum. Allir að kíkja á mig :)
En hvað gerði ég um helgina? Eftir allan æsing gærdagsins er ég hrædd um að ég sé búin að steingleyma því :) Ég ætti þá kannski frekar að tala um sumarbústaðadjammið helgina þar á undan eða hvað Bebe mín? ;) Nei, væri líklega ekki mjög gott fyrir almenningsálitið á mér að fara að tala eitthvað um það. En ég skemmti mér allavega mjög vel þrátt fyrir að fá létt sjokk daginn eftir. Var í vinnunni næstu daga á eftir sífellt að muna eftir ýmsum smáatriðum frá laugardagskvöldinu og stelpurnar sem vinna með mér skildu ekkert í því af hverju ég varð alltaf eldrauð í framan við og við! :) Tölum ekki meira um það!
En seinasta helgi? Ekkert djamm þar held ég. Man ekki hvað ég gerði á föstudaginn þannig að það var allavega ekki neitt sérstakt. Jú alveg rétt, kíkti í heimsókn til Berglindar og Sigga. Þar voru allir að spila. Hvenær ætlar einhver að kenna mér þetta blessaða D og D?!? Mig langar að læra!!! Er búin að fá mörg loforð um kennslu en ekkert gerist (hint hint til ýmissa aðila). Auglýsi hér með eftir sjálfboðaliðum. Það er ekkert það rosalega erfitt að kenna mér :)
Á laugardagskvöld fórum við Bebe svo á rúntinn og keyrðum um allan bæ til að leita að opinni búð sem seldi ís. Urðum á endanum að láta okkur nægja íspinna úr 10-11.
En jæja segi ekki meira í bili, það er nú meira hvað ég er farin að tjá mig mikið!!!!

JEIIII!!!!!!!!!!

2005-05-02T22:49:00.000Z

Ég komst inn á Bifröst!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Ég er svo glöð að ég svíf uppi í hæstu hæðum og það verður líklega ekki talandi við mig næstu daga! :)

Ohh....

2005-05-02T22:48:00.000Z

Öll commentin mín hurfu allt í einu overnight... Þoli ekki þegar svona gerist! >:(

Geneva et Paris

2005-04-27T23:12:00.000Z

Jæja, það er kannski kominn tími til að ég bloggi pínkulítið eða hvað? Þið voruð kannski fegin að sleppa við röflið í mér? :P
En að öllu fiski eftir hrósi slepptu þá ætlaði ég að tala aðeins um ferðina mína til úglanda. Ég semsagt skrapp með mömmu í 10 daga til Sviss og Frakklands. Byrjuðum á að fara til Sviss og heimsækja hana Elísabetu ,,frænku" okkar. Við gistum hjá henni út í Genf og vorum sjö daga að skoða okkur um. Ég varð ástfangin af Genf. Þetta er ein af fáum borgum sem ég hef komið til og hugsað að ég gæti vel búið í. Yndislegt að vera þarna, mjög fallegt og skemmtilegt og líka viðkunnanlegt fólk. Við skoðuðum listasöfn og kirkjur fyrsta daginn og ég sá í fyrsta skipti safn helgað forn-egyptum. Langþráður draumur uppfylltur þar. Elísabet á tvær dætur jafngamlar mér, Juliu og Emmu. Þegar þær komu til Íslands fyrir nokkrum árum fór ég með þær á djammið og nú vildu þær endilega borga mér til baka. Við byrjuðum á því að ganga aðeins um miðbæinn og þar hittum við Martin, indverja sem hafði verið dílerinn hennar Juliu í gamla skólanum hennar. Hann fór með okkur að skoða nýju íbúðina sína og bauð okkur upp á íste. Hann er voða æstur náungi, talar þvílíkt hratt og ósklijanlega en við og við sprettur upp úr honum þvílíkur hrossahlátur að manni dauðbregður. Sérstaklega ef maður skilur frönsku ekkert sérlega vel og er því ófær um að sjá fyrir ,,punchline"-ið hjá honum. En anyways hann er voða mikið að tala, ég og Julia náðum ekki að koma að orði fyrir honum en allt í einu dregur hann upp þennan risa hass-köggul, þann stærsta sem ég hef séð á ævinni og á eftir fylgir eithvað skrýtið vafið innan í plast. Með minni ryðguðu frönsku náði ég því ekki alveg hvað það var en mér skyldist að það væri eitthvað sem maður notaði með pípunni þannig að það kæmi pina-colada eða eplabragð!! Jæja, hugsaði ég bara og vonaði að við færum að fara bráðum. Sem betur fer þurftum við að hitta Emmu og fara með henni í matarboð til Sabrinu vinkonu hennar. Við vorum mættar þangað um 9 leytið og þar voru allt í allt svona átta manns. Fyrir matinn kveiktu strákarnir í jónu og allir fengu sér rauðvín með. Mjög sophisticated allt saman :) Svo borðuðum við spaghetti bolognese og salat og drukkum meira. Eftir því sem ég drakk meira hresstist upp á frönskuna hjá mér og ég gat því aðeins tekið þátt í samræðum bæði á frönsku og ensku. Ég ákvað líka að vera svosem ekkert að stressa mig á hassinu því það var hvort eð er ekkert sem ég hafði ekki séð áður og eftir fyrri djömm með Juliu hafði ég átt von á því. En þá kom kærastinn hennar Sabrinu með kókaínið fram úr svefnherbergi. Og þá svitnaði vesalings litla Heiða greyið og langaði helst aftur upp á fjall til afa síns :)
Nei í alvöru þá fannst mér þetta pínku fríkað að horfa á þá troða þessu upp í nasirnar á sér. Sem betur fer voru stelpurnar ekki að þessu og þær skömmuðu strákana fyrir að gefa mér slæma mynd af Genf :) Um nóttina fórum við svo aftur niður í bæ og kíktum inn á næturklúbb. Svona klúbb eins og ég hélt að væri bara til í bíómyndum. Þetta var sko alvöru reiv-partí. Risastór salur með einum d.j. og fullt af fólki að dansa. Og einum löngum bar. Klósettin voru þau ógeðslegustu sem ég hef séð, complete með útfjólubláu ljósi. Sífellt voru gaurar að draga okkur til hliðar og ota að okkur einhverjum evil-looking pillum. Við skelltum pillunum náttlega í okkur....neeeiiii....hrintum gaurunum frá okkur og fengum okkur bara drykk í staðinn. Fórum svo að dansa til morguns. Allt í allt mjög súrrealískt en samt skemmtilegur dagur/kvöld/nótt...
En heyrðu, ég ætlaði líka aðeins að tala um París. Nenni því samt ekki. En jú ókei, segi frá því að draumur númer eitt rættist. Ég fékk að eyða heilum degi í Louvre. Ókei ekki alveg heilum degi, mættum um morguninn, fórum yfir miðjan daginn og komum aftur um kvöldið. Það var mikið af fólki um morguninn en þegar við komum um kvöldið var næstum enginn. Mamma var þá líka alveg búin á því og því fékk ég að vappa um ein. Fór og skoðaði egypska safnið en tókst ekki betur upp en svo að ég villtist inn í Medieval Louvre sem eru gamlar kastalarústir. Það tók mig næstum 45 mín. að rata út aftur og þá var ég næstum farin að gráta af panikki búin að ráfa um án þess að sjá neinn. En samt gaman að sjá öll frægu verkin, (líka nokkur flott sem ég vissi ekki um áður) sérstaklega eftir að hafa verið búin að lesa mér til um listasögu. Eyddum síðan einum degi í að versla. Það var einum degi meira en við ætluðum okkur að gera en hvað get ég sagt? When in Paris... :) Mér tókst einhvern veginn að kaupa mér leðurjakka, veit ekki alveg hvernig það gerðist.... Let me clarify.. ég gekk inn í einhverja arababúð. 10 mínútum síðar gekk ég út með leðurjakka. Það sem gerðist inni í búðinni er pínku hazy í minningunni :) Ótrúlegir sölumenn þessir gaurar. En jakkinn er samt æðislegur og ég sé alls ekki eftir því að hafa keypt hann.
En jæja nóg komið af tali í bili. Nú hefur Berglind eitthvað að lesa á morgun. Ég lofa að láta ekki líða svona langt á milli færlsna aftur :)

Meiri pælingar

2005-03-17T10:05:00.000Z

Mikið ógeðslega hata ég það þegar ókunnugt fólk kallar mig ,,vinan" eða ,,elskan". Það er kannski allt í lagi þegar það er mikið eldra fólk kannski yfir sextugt en þegar ég heyri í viðskiptavinum segja við mig: ,,Hvað er þetta mikið vinan?" þá horfi ég stundum á það og velti því fyrir mér hvort það sé einu eða tveimur árum eldra en ég. Í alvöru lít ég út fyrir að vera svona mikið yngri en ég er? Konurnar á Lansanum töluðu líka alltaf svona niður til mín: ,,Það þarf að þrífa klósettið á stofu 3...vinan." Svona eins og vitneskjan um að ég væri vinan þeirra væri eitthvað sem ég hefði keppst að alla mína ævi. Ég fann þó upp leið þar til að hefna mín. Byrjaði að kalla þær elskan á móti og gat talið klukkutímana þangað til að allt vinutal hætti :)
En það sama er í gangi í Ikea, það er eins og ég klæði mig í gulu skyrtuna og þá hefur allt fólk leyfi til að tala við mig eins og ég sé fimm ára. og það versta er að ég get ekki sagt neitt á móti, viðskiptavinurinn hefur rétt fyrir sér og þá hlýt ég bara að vera fimm ára.
Ef þið eruð að velta fyrir ykkur kvenréttindatextanum á hérna fyrir neðan, þá hef ég enga skýringu. Gamalt lag sem ég er búin að vera með á heilanum í viku. Stend mig líka að því að telja hversu margar konur koma fyrir í fréttatímum og hlýt að vera sammála Bríetarkonum um að þær eru allt of fáar. Það kom eitthvað mál upp fyrir nokkrum vikum, eitthvað um framsóknarkvenfélag sem reynt var að yfirtaka af öðrum framsóknarkonum. Eins og ég hafði lítinn áhuga á málinu þá tók ég samt eftir að það var mest lítið rætt við konurnar sem stóðu að málinu, en eiginmenn þeirra fengu hins vegar að gjamma stanslaust!
Jæja ég velti fyrir mér hvað ég gæti haldið út þessu bloggi án þess að minnast á kvenréttindi og pólitík. Ekki lengi semsagt. Finnst bara verst að fyrsti flokkurinn sem ég minntist á skyldi vera Framsókn :)
En jæja, þetta er orðið nógu langt. Ef þú nenntir að lesa þetta til enda þá óska ég þér til hamingju!

Áfram stelpur!

2005-03-17T09:58:00.000Z

Í augsýn er nú frelsi
og fyrr það mátti vera
nú fylkja konur liði
og frelsismerki bera.
Stundin er runnin upp!
Tökumst allar hönd í hönd
og höldum fast á málum.
Þó ýmsir vilji afturábak
en aðrir standi í stað.
Tökum við aldrei undir það!
En þori ég, vil ég, get ég?
Já ég þori, get og vil!
Áfram stelpur, stöndum á fætur,
slítum allar gamlar rætur
þúsund ára kvennakúgunar.
ef einstaklingurinn er virkur
verður fjöldinn okkar styrkur
og við gerum ótal breytingar.
Stelpur horfið ögn til baka
á allt sem hefur konur þjakað,
stelpur horfið bálreiðar um öxl!
Ef baráttu að baki áttu
berðu höfuðið hátt og láttu efann hverfa
unnist hefur margt.
Þó er mörgu ekki svarað enn,
því ekki er jafnréttið mikið í raun!
Hvenær verða allir menn taldir menn?
Með sömu störf og líka sömu laun!

Helgin og almennar pælingar

2005-03-15T08:57:00.000Z

Úff, hvað ég nenni ekki í vinnuna á eftir. Ég trúi ekki að ég raunverulega hlakki til að byrja aftur í skóla í haust. En ég geri það nú samt...
Sá fyndnasta mann í heimi á fimmtudag. Eddie Izzard er æðislegur skemmtikraftur. Ég hef ekki hlegið svona mikið síðan.......já síðan ég sá Dress to Kill í fyrsta skipti. Fékk líka gjöf á fimmtudaginn, Sims University. Takk Pétur, þú ert yndislegur! Þannig að nú er ég búin að búa til mini Mulder og Scully og senda þau í skóla til að búa á svipaðri heimavist og ég fer á ef að Bifröst vill fá mig. Undarlegt hvað maður verður fljótt háður þessum leikjum. Ég held að enginn eigi eftir að geta dregið mig út úr húsi næstu daga.
Það þurfti að draga úr mér endajaxl á föstudaginn...já þið eruð skyldug til að sýna samúð núna!
Ógeðslega var þetta vont, eitthvað klikkaði því að deyfingin allavega virkaði ekki eins og hún átti að gera og þ.a.l fann ég fyrir öllu! Er þess vegna búin að vera á verkjalyfjum alla helgina og ætlaði ekki að nenna út í afmælið hans Atla á laugardaginn. En um leið og ég kom á staðinn komst ég nú í ágætis stuð og náði að skemmta mér mjög vel. Drakk eitt hvítvínsglas og bjór út í verkjalyfin(mjög gáfulegt, ég veit) og fann fyrir ágætis áhrifum þegar Pétur dró mig heim.
Þurfti síðan að vinna á sunnudaginn en fékk að fara fyrst heim klukkan 4 þannig að það var ekki svo slæmt. Undanfarið hef ég mikið hugsað um hvað ég eigi að gera þegar ég verð stór. Þegar ég var lítil hafði ég öll svörin: Þegar ég verð stór ætla ég að verða stærri! Nú verð ég víst að sætta mig við það að ég verð aldrei stærri en mínir 165 cm. Hvað geri ég þá? Ég er bara(!) 21 árs og hef nógan tíma. Ég óska eftir hugmyndum um hvað ég geti gert við þann tíma, vinsamlegast. Og nú ætla ég að fara og finna mér hollan og góðan morgunmat...

Junk Mail :)

2005-03-09T19:23:00.000Z

Þar sem ég hef fengið þennan spurningalista frá mjög mörgum ákvað ég bara að birta svörin hérna því ég man aldrei hverjir vilja fá svona póst og hverjir myndu hata mig fyrir að áframsenda hann :) Þið vitið líka flestöll hvað ég er léleg að svara tölvupósti! Endilega senda mér svörin ykkar ef þið eruð ekki þegar búin að því!
1. Hvað er klukkan? 20:00
2. Hvað ertu kölluð/kallaður? Ragga, Heiða, Evil Woman, Icy... á ég að halda áfram?
3. Hvað voru mörg kerti á síðustu afmæliskökunni þinni? Fékk enga ammælisköku...búhúhú!!!
4. Afmælisdagur: 15. feb.
5. Húðflúr: Neibb er að reyna að safna kjarki.
6. Hár: Rautt.
7. Göt: Sitt í hvoru eyranu.
8. Fæðingarstadur: Keflavíkin hin gamla og góða.
9. Hvar býrðu? Reykjavík
10. Uppáhalds matur: Fajitas.
11. Hefur þú komið til Afríku? Nei, væri samt alveg til í að fara til Kenýa.
12. Einhvern tíma elskað einhvern svo mikið að það fékk þig til að...? Já og nokkrar vandræðalegar sögur sprottið upp úr því.
13. Hefur þú lent í bílslysi? Nei, bara eyðilagt spegilinn á bílnum hans Péturs. Jú og keyrt á Garðar einu sinni! :/
14. Gulrót eda beikonbitar? Gulrót. Ég hata beikonbita.
15. Uppáhaldsvikudagur: Föstudagur að sjálfsögðu.
16. Uppáhaldsveitingastaður: Tapas og Austur-Indíafélagið.
17. Uppáhaldsblóm: Liljur.
18. Uppáhalds íþróttir? Ömm... bara sund. Þó ég syndi bara einu sinni á ári þá er það samt oftar en ég stunda hinar íþróttirnar :)
19. Uppáhalds drykkur? Kókómjólk, aftur kókómjólk og síðan meiri kókómjólk!
20. Hvaða ís finnst þér bestur? Ben and Jerry's Chocolate chip cookie dough...namm
21. Disney eða Warner Brothers? Hmm... Disney, út af Lion King en Warner Brothers út af Daffy Duck...
22. Uppáhalds skyndibitastaður: Subway, held ég bara...
23. Hvernig eru veggirnir í herberginu þínu á litinn? Hvítir.
24. Hvað féllstu oft á ökuprófinu? Aldrei, þið trúið því ekki hvað ég var ánægð með sjálfa mig!
25. Í hvaða búð mundir þú velja að botna heimildina þína? Má ég segja Kringlan eða þarf ég að velja eina búð?
26. Hvað gerir þú oftast þegar þér leiðist? Les eða fer í tölvuna. Stundum er þetta tvennt hið eitt og sama.
27. Hvaða spurning fer mest í taugarnar á þér? Vá, hvað ég vil ekki svara því!!
28. Hvenær ferðu að sofa? Klukkan 12. Nógu snemma til að vakna klukkan sex og sjá hvort ég sé nógu hress til að fara í sund.
29. Uppáhaldssjónvarps þáttur/þættir: X-files væntanlega... eða er margra ára þráhyggja með þennan þátt nóg til að gera hann að uppáhaldsþættinum mínum?
30. Með hverjum fórstu síðast út að borða: Með Pétri. Við fórum á Tapas.
31. Ford eða Chevy: Hef ekki hugmynd.
32. Hvad varstu lengi ad klára ad svara þessu? 10 mín.

Um ástina og annan fjára :)

2005-03-08T12:18:00.000Z

Hér sit ég heima á þessum sögulega þriðjudegi og get ekki annað en reynt að muna eftir fjarlægum(en mun ánægjulegri tíma) þegar ég var ekki annað hvort slösuð eða lasin. Mig minnir að sá tími hafi verið einhvern tímann árið 2004. Í alvöru, þá eru liðnir tveir mánuðir af árinu og ég hef fengið þrjár flensur og lent tvisvar upp á slysó, annað skiptið í sjúkrabíl og alles. Þetta er farið að verða miklu meira en óþolandi!!! Svo er ég núna búin að smita Pétur, hann er núna lagstur upp í rúm með hálsbólgu greyið, já ástin getur verið sár. Mig hryllir við hinum 10 mánuðunum af árinu 2005 og hina ýmsu sjúkdóma sem þeir kunna að bera með sér! Nei núna er ég orðin dálítið svartsýn. Kannski er aðalmálið að senda bara góða strauma út í heiminn og vita hvort maður fái ekki eitthvað til baka.... Og í kvöld ætla ég að finna mér tungumálaskóla út í Sviss svo ég megi stinga héðan af þó ekki sé nema í nokkrar vikur.....
Fór á Háskólakynningu á laugardag og sá þar athyglisvert nám hjá Bifröst. Námið mun heita HHS og byggjast upp á heimspeki, hagfræði og stjórnmálafræði. Ákvað að sækja um þar enda víst fínir nemendagarðar þar, hvað svo sem hinir ýmsu fréttamiðlar segja... Auk þess er umsóknin mín fyrir háskólastyrk út í Kína næstum tilbúin og umsókn um skólavist í Svíþjóð er farin af stað. Það sakar ekki að sækja um sem mest, því ég vil vera viss um að komast einhvers staðar að. En allavegana, kveðjur og hlýir straumar héðan frá tölvunni minni.....

Jæja.....

2005-03-03T22:37:00.000Z

Hér kemur þá fyrsta bloggið mitt, mundi eftir því áðan að ég lofaði víst henni Bebe að byrja á þessu rugli(var mjög full). Hún hefur víst ekkert að gera í vinnunni greyið :)
Ég vona að einhverjir aðrir geti líka haft gaman af því að lesa ruglið úr mér! Njótið vel :)